07:37, 06 - قىركۇيەك 2018 | GMT +5
ءبىر مايا پىشەنگە جاي ءتۇسىپ، 30 تونناسى جانىپ كەتتى
استانا. قازاقپارات - بەلارۋس ەلىندەگى گرودنو قالاسى ماڭىندا ءبىر مايا پىشەنگە جاي ءتۇسىپ، ورتەنىپ كەتتى، دەپ حابارلايدى بەلتا اگەنتتىگى ت ج م وبلىستىق باسقارماسىنا سىلتەمە جاساپ.
ميلكوۆشينا ەلدى مەكەنىنە تاياۋ جەردە ۇيىلگەن ساباننىڭ جانىپ جاتقانى جايلى وسى وقيعانى كوزىمەن كورگەن ادام حابارلاعان.
ءورتتى سوندىرۋگە ت ج م جانە «سكيدەلسكي» اگروكومبيناتىنىڭ جۇمىسشىلارى جۇمىلدىرىلعان. سونداي-اق جالىننىڭ وزگە جەرلەرگە تارالىپ كەتپەۋى ءۇشىن تراكتورلار مەن اۆتوتسيستەرنالار پايدالانىلعان.
«ەلدى مەكەنگە قاۋىپ تونگەن جوق. ەكى ساعاتتىڭ ىشىندە ءتىلسىز جاۋ اۋىزدىقتالدى»، - دەپ اتاپ ءوتتى ت ج م وبلىستىق باسقارماسىنان.
50 توننا سابان ورتتەن امان قالدى، ال 30 تونناعا جۋىعى جانىپ كەتتى.
