ەلبرۋس شىڭىندا 30 جىل بۇرىن قازا تاپقان ايەلدىڭ مۇردەسى تابىلدى

ماسكەۋ. قازاقپارات - ەلبرۋس شىڭىندا وسىدان 30 جىل بۇرىن قازا تاپقان ايەلدىڭ مۇردەسى تابىلدى، دەپ حابارلايدى ر ي ا نوۆوستي.

الدىن الا دەرەكتەرگە قاراعاندا، الپينيست ايەل 31 جىل بۇرىن تاۋدىڭ باسىنا شىعۋ كەزىندە مەرت بولعان، - دەگەن قاراشاي- شەركەس ت ج م مالىمدەمەسىن كەلتىرەدى ن ت ۆ تەلەارناسى.

 ءمايىتتى ءتورت شاقىرىمداي بيىكتىكتە، شىڭعا شىققان تۋريستەر تاپقان. قۇتقارۋشىلار قازا تاپقان جاننىڭ كىم ەكەندىگىن انىقتادى. ودان قۇجاتتارى مەن 1987 - جىلعى 10 - ساۋىردەگى ماسكەۋ- مينەرالنىە ۆودى اۋە رەيسىنە بيلەتى تابىلعان.

«1951 - جىلى تۋعان لەنينگراد وبلىسى نوۆايا لادوگا قالاسىنىڭ تۇرعىنى ەلەناى بازىكينانىڭ ءتولقۇجاتى تابىلدى»، - دەلىنگەن ت ج م حابارلاماسىندا.

 ەسكە سالا كەتسەك، 1987 - جىلى ەلبرۋستەگى قار كوشكىنى سالدارىنان 7 ادامنان قۇرالعان الپينيستەر توبى ءۇشتى- كۇيلى جوعالعان ەدى. سول كەزدە قانشا ىزدەگەنمەن ولاردىڭ دەنەسى تابۋ مۇمكىن بولمادى.