قىتاي پوليتسياسى «اقىلدى» كوزىلدىرىكتىڭ كومەگىمەن 30 دان استام قىلمىسكەردى ۇستادى

 استانا. قازاقپارات - چىڭجۋ قالاسىنىڭ ۆوكزالىنداعى پوليتسيا قىزمەتكەرلەرى ءوز جۇمىستارىندا ارنايى كوزىلدىرىك پايدالانا باستادى.

 ول پوليتسيا دەرەكقورىندا تىركەلگەن قىلمىسكەرلەردىڭ بەت- الپەتىن سالىستىرىپ، تانۋعا كومەكتەسەدى. بۇل تۋرالى Stan.kz حابارلايدى.

وسى قۇرىلعىنىڭ كومەگىمەن ىزدەۋدە جۇرگەن 7 ادام جانە جاساندى قۇجاتپەن جۇرگەن 26 جولاۋشى ۇستالدى.

پوليتسيا 1 - اقپاننان باستاپ ارنايى كوزىلدىرىكتى قولدانۋعا كىرىستى. سەبەبى قىتايدىڭ جاڭا جىلى كەلە جاتقاندىقتان، ۆوكزالداردا جولاۋشىلار كوبەيە باستايدى. ستانتسياداعى كۇندەلىكتى جولاۋشىلار سانى 90 مىڭعا جەتۋى مۇمكىن.

وسى ۋاقىت ىشىندە ادام ۇرلاپ، ىزدەۋدە جۇرگەن جەتى ادام قولعا ءتۇستى. سونداي- اق، جالعان قۇجاتپەن جۇرگەن 26 ادام ۇستالدى.

ايتا كەتەيىك، بۇرىن قىلمىسكەرلەردى ىزدەۋ ءۇشىن بىرنەشە سۋرەت كەرەك بولعان. ال ارنايى قۇرىلعىنىڭ ارتىقشىلىعى قىلمىسكەرلەردى تانۋدا ءبىر عانا سۋرەتتى قاجەت ەتەدى.