تالدىقورعاندا دارىگەرلەردىڭ 30 پايىزى زەينەتتىك جاستا

تالدىقورعان. قازاقپارات - بۇگىنگى كۇنى تالدىقورعاندا 950 دارىگەر ەڭبەك ەتىپ جاتسا، ولاردىڭ 30 پروتسەنتى - زەينەتتىك جاستا. بۇل جونىندە تالدىقورعان قالاسى اكىمىنىڭ ورىنباسارى مارلەن كولبايەۆ ايتتى،

 دەپ حابارلايدى قازاقپارات ءتىلشىسى.

 قازىر وبلىس ورتالىعىندا دەنساۋلىق ساقتاۋ مەكەمەلەرىنىڭ 2018 - جىلعا ارنالعان جوسپارىنا قاتىستى جيىن ءوتىپ جاتىر. كەڭەستە قالا اكىمىنىڭ ورىنباسارى م. كولبايەۆ شاھاردا دارىگەرلەردىڭ جەتىسپەۋشىلىگى جايىندا باياندادى. ماسەلەن، ءبىر عانا تالدىقورعان قالاسىنا 78 دارىگەر قاجەت.

«78 دارىگەر تالدىقورعانعا كەلىپ، جۇمىس ىستەۋگە نيەتتى. ءبىراق ولاردىڭ بارلىعى ءبىرىنشى كەزەكتە، باسپانامەن قامتۋدى سۇراپ وتىر»، - دەدى م. كولبايەۆ قالا اكىمىنە قاراتا ايتقان سوزىندە.

 ال تالدىقورعان قالاسىنىڭ اكىمى باعدات قاراسايەۆ شاھار بويىنشا 15 مىڭنان استام ادام باسپانا كەزەگىندە تۇرعانىن اتاپ ءوتتى. ونىڭ 5 مىڭنان استامى - مەملەكەتتىك قىزمەتكەرلەر.

اۆتور: سامال قابىشيەۆا