بۇگىن قىسقى وليمپياداعا تۋرا 30 كۇن قالدى
اقپان ايىنىڭ 9-25- كۇندەرى ارالىعىندا وتەتىن باستى دوداعا قازاقستان قازىرگى تاڭدا سپورتتىڭ 4 تۇرىنەن 33 ليتسەنزيا الىپ ۇلگەردى. ونىڭ 10 ى بياتلونشىلارعا، 10 ى شورت-ترەكشىلەرگە، 3 ەۋى مانەرلەپ سىرعاناۋشىلارعا جانە 10 ى كونكيمەن جۇگىرۋشىلەرگە تيەسىلى.
قىسقى سپورت تۇرلەرىنەن جاڭا ماۋسىم ەندى باستالعاندىقتان وليمپياداعا دەيىن جولدامالار سانى ءالى دە ارتاتىنى انىق. جالپى قازاق سپورتشىلارى وليمپيادادا توعىز سپورت تۇرىنەن ونەر كورسەتۋدى جوسپارلاپ وتىر. دودانىڭ رەسمي اشىلۋ سالتاناتىندا قازاقستان تۋىن شورت-ترەكتەن الەم كۋبوگىنىڭ، ۋنيۆەرسيادا، ازيا ويىندارىنىڭ جۇلدەگەرى، 2014-جىلعى سوچيدە وتكەن وليمپيادا ويىندارىنىڭ قاتىسۋىشىسى ابزال اجعاليەۆ كوتەرىپ شىعادى.
XXIII قىسقى وليمپياداعا 95 ۇلتتىق وليمپيادالىق كوميتەتتىڭ اتىنان 2900 سپورتشى قاتىسادى دەپ كۇتىلۋدە. جالپى 102 مەدال جيىنتىعى ساراپقا سالىنادى.
جارىس ەكى كلاستەردە ورنالاسقان 12 سپورت نىسانىندا وتەدى. ولار - پحەنچحەن تاۋ كلاستەرى (PyeongChang Mountain Cluster) جانە كاننىن جاعالاۋ كلاستەرى (Gangneung Coastal Cluster).
اۆتور: كۇنسۇلتان وتارباي
