جىلۋ ەلەكتر ورتالىعى گازعا اۋىسسا، الماتىنىڭ اۋاسى 30 ەسەگە تازارادى
«الماتى قالالىق تابيعي رەسۋرستاردى جانە تابيعاتتى پايدالانۋدى رەتتەۋ باسقارماسىنىڭ مالىمەتتەرى بويىنشا، 2016 -جىلى الماتىدا جالپى زياندى زاتتار شىعارىندىسى 285 مىڭ توننانى قۇراعان. ونىڭ ىشىندە «الەس» ا ق نىساندارىنىڭ ۇلەسىنە 11 پايىزى (31,59 مىڭ توننا) تيەسىلى. سوندىقتان، كاسىپورىندى گازعا اۋىستىرۋ اۋاعا بولىنگەن زياندى زاتتاردىڭ مولشەرىن ايتارلىقتاي ازايتادى. ءبىز الدىن الا ەسەپ جاسادىق. ەسەپتەۋىمىز بويىنشا، كومىردەن گازعا اۋىستىرۋ اۋاعا زياندى زاتتاردىڭ تارالۋىن 30 ەسەگە ازايتادى. سوندىقتان، ءبىز مەملەكەت باسشىسىنىڭ ج ە و-2 كاسىپورنىن گازعا اۋىستىرۋدى تولىعىمەن قولدايمىز»، - دەدى ءسابيت نۇرلىبايەۆ.
وسىلايشا، «الماتى ج ە و-2» كاسىپورنىن گازعا الماستىرۋ، سونداي- اق جەكە سەكتوردى گازعا 100 پايىز الماستىرۋ قالانىڭ اۋاسىن جاقسارتۋعا جانە ج ە و-2 بولەتىن زياندى زاتتاردىڭ مولشەرىن 30 مىڭ توننادان 1,0 مىڭ تونناعا دەيىن تومەندەتۋگە مۇمكىندىك بەرمەك.
ەسكە سالا كەتسەك، مەملەكەت باسشىسى 2020 -جىلعا دەيىن الماتىداعى ج ە و-2- ءنى گازعا كوشىرۋ جونىندە تاپسىرما بەرگەن بولاتىن. سونداي- اق، پرەزيدەنت الماتى قالاسىنىڭ اكىمدىگىنە قوقىس قالدىقتارىن جيناۋ، قورىتۋ، جويۋ سيكلىنىڭ تۇيتكىلدى ماسەلەلەرىن شەشۋدى تاپسىردى.
اۆتور: ايان بەكەن ۇلى
