ۋكراينالىق شەبەرلەر ەكسپو- عا 30 مەترلىك سۇلگى اكەلدى

استانا. قازاقپارات - بۇگىن «ەكسپو-2017» حالىقارالىق مامانداندىرىلعان كورمەسىندە ۋكراينانىڭ ۇلتتىق كۇنى اتالىپ وتەدى، دەپ حابارلايدى «قازاقپارات» ح ا ا ءتىلشىسى.

 ۇلتتىق كۇننىڭ سالتاناتتى اشىلۋ راسىمىنە ق ر ەنەرگەتيكا ۆيتسە- ءمينيسترى باقىتجان جاقساليەۆ جانە ۋكراينا پرەمەر- ءمينيسترىنىڭ ورىنباسارى، وڭىرلىك دامۋ، قۇرىلىس جانە تۇرعىن- ءۇي كوممۋنالدى كەشەنى ءمينيسترى، ۋكراينا ۇلتتىق سەكسياسىنىڭ كومميسارى گەننادي زۋبكو قاتىستى.

«ۋكراينالىق مامانداردىڭ عالامشاردىڭ ەكوجۇيەسىن ساقتاۋعا جانە جاسىل ەنەرگەتيكانىڭ دامۋىنا ۇلەس قوسۋعا دايىن ەكەنى قۋانتادى. ءبىز استانانىڭ كۇن، جەل، بيوگاز، تەڭىز جانە جىلى سۋلاردىڭ ەنەرگياسىن قولدانۋ سالاسىنداعى ۇزدىك الەمدىك جاڭالىقتار مەن ترەندتەردى تانىستىراتىن ءتيىمدى الاڭعا اينالارىنا سەنىمدىمىز. قازاقستان ءۇشىن ۋكراينا ماڭىزدى ەكونوميكالىق سەرىكتەس بولىپ سانالادى. ءبىز ەكى ەل اراسىنداعى تىعىز قارىم- قاتىناس پەن ءوزارا تۇسىنىستىكتىڭ جوعارى دەڭگەيىن بيىك باعالايمىز»، - دەدى جاقساليەۆ ءوزىنىڭ قۇتتىقتاۋ سوزىندە.

 ءوز كەزەگىندە گەننادي زۋبكو ۋكراينا مەن قازاقستاندا جۇرگىزىلىپ جاتقان رەفورمالاردىڭ ۇقساس ەكەنىن اتاپ ءوتتى.

«ۋكراينا قازاقستانمەن قاتار ەكونوميكالىق جانە سوت سالالارىندا جانە ينۆەستيتسيالار تارتۋعا سەپتىگىن تيگىزەتىن رەفورمالار جۇرگىزىپ جاتىر. بۇگىندە ۋكراينا نارىعىن 40 ميلليارد دوللارعا باعالاپ وتىرمىز، وعان ينۆەستيتسيا سالىپ، تابىس تابۋعا جانە ەڭ باستىسى - ءاربىر ەلدىڭ ءوز ەنەرگياسىن ساقتاپ قالۋعا بولادى»، - دەدى ول.

سونىمەن بىرگە، ارنايى ەكسپو-2017 كورمەسى ءۇشىن ۋكراينالىق شەبەرلەر ۇزىندىعى 30 مەتر بولاتىن رەكوردتى سۇلگى اكەلدى. قولمەن توقىلعان بۇل سىيلىقتا ۋكراينانىڭ ءاربىر وڭىرىنە ءتان الۋان ءتۇرلى ورنەكتەر بەينەلەنگەن. ەكسپو كورمەسىنەن كەيىن بۇل تۋىندى قازاقستانداعى ۋكراينا ەلشىلىگىنە سىيلانادى. اتاپ وتكەن ءجون، ەكسپو-2017 كورمەسىندەگى ۋكراينا ەكسپوزيتسياسى جىبەك جولى پاۆيلونىندا ورنالاسقان. وندا ۋكراينانىڭ يننوۆاتسيالىق جەل جانە كۇن گەنەراتورلارى، ەنەرگيا ۇنەمدەيتىن ءۇي، ەلەكتر وندىرەتىن پەردەشەلەر جانە وزگە دە جاڭالىقتارى قويىلعان.

 اۆتور: ايجان سەرىكجان قىزى