10:41, 14 - مامىر 2017 | GMT +5
قىتايداعى فورۋمدا 30 دان استام ەل كەلىسىمگە قول قويادى
بەيجىڭ. قازاقپارات - «ءبىر بەلبەۋ، ءبىر جول» ستراتەگياسى اياسىنداعى حالىقارالىق ىنتىماقتاستىق بويىنشا جوعارى دەڭگەيدەگى فورۋم بارىسىندا قىتاي 30 دان استام ەلمەن ىسكەرلىك جانە ساۋدا كەلىسىمدەرىنە قول قويادى.
بۇل تۋرالى شارانىڭ اشىلۋىندا سويلەگەن سوزىندە ق ح ر ءتوراعاسى شي جينپيڭ مالىمدەدى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
«وسى فورۋم بارىسىندا قىتاي 30 دان استام ەلدەرمەن ىسكەرلىك جانە ساۋدا قاتىناستارى كەلىسىمىنە قول قويادى. ءبىرقاتار ەلدەرمەن ەركىن ساۋدا تۋرالى كەلىسىم بويىنشا كونسۋلتاتسياعا كىرىسەدى»، - دەدى ول.
ەسكە سالساق، فورۋمعا 29 مەملەكەت، 3 حالىقارالىق ۇيىم (ب ۇ ۇ، دۇنيەجۇزىلىك بانك، حالىقارالىق ۆاليۋتا قورى) باسشىلارىمەن بىرگە قازاقستان پرەزيدەنتى نۇرسۇلتان نازاربايەۆ قاتىسۋدا.
