الماتىدا 30 جىل قىسى-جازى جالاڭاياق جۇرگەن پروفەسسور ومىردەن وزدى - فوتو
استانا. قازاقپارات - 15 -ساۋىردە قازاقتىڭ تالاي بالاسىن تاربيەلەگەن، قازاقتىڭ فيزيكا تاريحىنا ۇلكەن ۇلەسىن قوسقان جالاڭاياق ۇستاز ومىردەن ءوتتى.
«لانداۋدىڭ توعىز تومدىق كىتابىن قازاق تىلىنە اۋدارعان، قانشاما كىتاپتىڭ اۆتورى، ەشبىر اتاققا قىزىعىپ ۇمتىلماعان، جاي عانا اعا وقىتۋشى بولىپ وتكەن، جالاڭاياق اعاي نەمەسە ەينشتەيىن اعاي دەگەن لاقاپ اتقا عانا يە بولعان مەنىڭ قادىرلى ۇستازىم ءارى ارىپتەسىم باقيلىق بولدى. اللا ەڭبەكتەرىڭىزگە مووول ساۋاپتار جازىپ، جانىڭىزدى ءجانناتتا، يمانىڭىزدى جولداس قىلعاي!»، - دەپ جازادى جەلى قولدانۋشىسى گۇلميرا نۇرباقىت.
نۇرعالي قويشىبايەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ فيزيكا فاكۋلتەتىندە ۇستازدىق قىزمەت اتقاردى.
ۋنيۆەرسيتەت ستۋەنتتەرىنىڭ ۇستازدارىنىڭ جالاڭاياق جۇرەتىنىنە ابدەن كوزى ۇيرەنگەن. سەبەبى، نۇرعالي قويشىبايەۆ قاي جەرگە بارماسىن جالاڭاياق جۇرەتىن ەدى. ءوزى ب ا ق- قا بەرگەن سۇحباتىندا وكپەسى اۋىرعاندىقتان جالاڭاياق جۇرەتىنىن ايتقان. ايتۋىنشا، دارىگەرلەر ەمدەي الماعان دەرتتى وسىلايشا ءوزى جازعان. ءتىپتى، قاتەرلى وكپە دەرتىنە شالدىققانداردى دا ەمدەگەن ەكەن.
