قازاقستان 30 دامىعان مەملەكەتتىڭ قاتارىنا كىرمەي قالۋى مۇمكىن - مينيستر سۇلەيمەنوۆ
بۇگىندە قازاقستاندا ادام باسىنا شاققانداعى ىشكى جالپى ءونىمنىڭ كولەمى 25 مىڭ دوللاردى قۇراپ وتىر.
ال دامىعان 30 مەملەكەتتىڭ قاتارىنا كىرۋ ءۇشىن اتالعان كورسەتكىش 60 مىڭ دوللارعا جەتۋى ءتيىس.
«ءبىزدىڭ ەسەبىمىزگە سايكەس، ەلىمىزدىڭ قازىرگى 3-3,5 پايىزدىق ەكونوميكالىق وسىمىمەن 2050-جىلعا دەيىن دامىعان 30 مەملەكەتتىڭ قاتارىنا كىرۋ مۇمكىن ەمەس. سول سەبەپتى ەكونوميكالىق دامۋدىڭ جاڭا مودەلىن قولعا الۋ قاجەت. ءسويتىپ، وتاندىق ەكونوميكانىڭ ءبىر جىلدىق ورتاشا ءوسىمىن 5-6 پايىزعا دەيىن جەتكىزۋ كەرەك»، - دەدى ق ر ۇلتتىق ەكونوميكا ءمينيسترى تيمۋر سۇلەيمەنوۆ بۇگىن استانادا وتكەن باسپا ءسوز ءماسليحاتىندا.
ونىڭ ايتۋىنشا، ەكونوميكالىق دامۋدىڭ جاڭا مودەلى اياسىندا ءوندىرىس پەن اۋىل شارۋاشىلىعىن بارىنشا دامىتۋ قاجەت. بۇدان بولەك، ءىرى كەن ورىندارىن يگەرۋدى جالعاستىرعان ءجون. جالپى، وتاندىق ونەركاسىپتەردى تەحنولوگيالىق جاعىنان جاڭعىرتۋ شارالارىن جالعاستىرا بەرۋ كەرەك.
اتالعان مىندەتتەردىڭ ءبارى پرەزيدەنتتىڭ بيىلعى جولداۋىندا دا كورسەتىلگەن. ايتا كەتەيىك، بۇگىنگى باسپا ءسوز ءماسليحاتىندا مينيستر سۇلەيمەنوۆ ەكى كۇننەن كەيىن كاسىپكەرلىكتى جاپپاي دامىتۋ باعدارلاماسى اياسىندا حالىققا نەسيە بەرۋ شارالارنىڭ باستالاتىنىن مالىمدەدى.
اۆتور: ارمان اسقاروۆ
