اقتاۋداعى يندۋستريالدى ايماققا 30-عا جۋىق كومپانيا ورنالاسپاق

استانا. قازاقپارات - اقتاۋداعى پلاستيكالىق ماسسالار زاۋىتىنىڭ ايماعىندا شاعىن جانە ورتا بيزنەسكە ارناپ، يندۋستريالىق ايماق ورنالاستىرىلماق. كاسىپكەرلەرگە ءوندىرىس نىساندارىن سالۋ ءۇشىن ينفراقۇرىلىممەن قامتاماسىز ەتىلگەن جەر بەرىلەدى.

بۇل تۋرالى ماڭعىستاۋ وبلىسى اكىمىنىڭ باسپا ءسوز قىزمەتى حابارلادى.

ۆەدومستۆو وكىلدەرى قازىرگى تاڭدا اقتاۋدا سالىنۋى جوسپارلانىپ وتىرعان يندۋستريالىق ايماقتا وزدەرىنىڭ قىزمەتىن باستاۋ جونىندە 30-عا جۋىق كومپانيا وكىلدەرى نيەت ءبىلدىرىپ وتىر. كاسىپكەرلەر دايىن جەر تەلىمدەرىن جالعا نەمەسە جەكە مەنشىككە الا الادى.

جالپى اۋماعى 230 مىڭ شارشى مەتردى الىپ جاتقان اقتاۋ پلاستيكالىق ماسسالار زاۋىتى ءونىم شىعارۋدى 1999 -جىلى توقتاتقان. زاۋىتتىڭ اۋماعىن قويما عيماراتتارى، رەزەرۆۋارلار، «ماڭعىستاۋ» مەن اقتاۋ حالىقارالىق تەڭىز پورتى اراسىن جالعاپ جاتقان تەمىرجول، قۋاتى 89 مەگاۆات بولاتىن 4 ەلەكتر ستانسياسى، سۋ، جىلۋ جانە گاز جەلىلەرى الىپ جاتىر.

ماڭعىستاۋ وبلىسىنىڭ اكىمى ەرالى توعجانوۆ بۇرىنعى پلاستيكالىق زاۋىت الاڭىندا بولىپ قايتتى جانە ينۋدستريالدى ايماقتى باسەكەگە قابىلەتتى جوبالارمەن جانە قاجەتتى ينفراقۇرىلىممەن قامتاماسىز ەتۋدى تاپسىردى.

وبلىس باسشىسى ءوزارا جۇمىستى ۇيلەستىرۋدى وبلىس اكىمدىگىنىڭ ءتيىستى قۇرىلىمدارىنا، «كاسپي» ا ك ك» مەن «اتامەكەن» ۇ ك پ- نا مىندەتتەدى. اكىمنىڭ سوزىنشە، بۇل شاعىن جانە ورتا بيزنەستى دامىتۋعا تىڭ سەرپىن بەرىپ، ءوڭىردىڭ يندۋستريالىق- يننوۆاتسيالىق دامۋىنا ىقپال ەتەدى، دەپ جازادى lada.kz.

اۆتور: ايدار وسپاناليەۆ