تايۆاندا اۆتوبۋس اۋدارىلىپ، 30 عا جۋىق ادام قايتىس بولدى
بۇل تۋرالى 13 اقپان كۇنى تايۆاننىڭ ورتالىق اقپارات اگەنتتىگى قۇتقارۋشىلارعا سىلتەمە جاساپ حابارلادى، دەپ جازادى lenta.ru. جول-كولىك وقيعاسى جەرگىلىكتى ۋاقىت بويىنشا ساعات 21-00 دە تايبەي قالاسىنا جاقىن ايماقتا بولدى. اۆتوبۋستا 44 ادام بولعان جانە ولاردىڭ باسىم بولىگى جەرگىلىكتى فەرمالاردىڭ بىرىنە گۇل جايعان شيە جەمىسىنىڭ اعاشىن تاماشالاۋ ءۇشىن بارا جاتقان. وسىعان دەيىن 17 ادامنىڭ مەرت بولعانى تۋرالى حابارلاندى. قۇتقارۋشىلار وقيعا ورنىنا شۇعىل جەتتى، الايدا ول ۋاقىتتا كوپ ادامنىڭ دەنەسى جانسىز قالعان ەدى. ولار امان قالعان ازاماتتارعا كومەك كورسەتۋدە. وقيعا ورنىندا جەدەل قىزمەت وكىلدەرى جۇمىس ىستەپ جاتىر. پوليتسيا اپاتتىڭ ورىن الۋىنا جۇرگىزۋشىنىڭ جىلدامدىقتىڭ شەكتەن تىس جەدەلدەتۋى سەبەپ بولۋى مۇمكىن دەگەن بولجام ايتىپ وتىر. الايدا، رەسمي اقپارات جوق.
