قازاقستاندا 30 گرادۋس اياز تۇسەدى
استانا. قازاقپارات - «قازگيدرومەت» ر م ك 2016-جىلعى 15-17- قاراشاعا ارنالعان اۋا رايىن تاراتتى.
سينوپتيكتەردىڭ اقپاراتىنا سايكەس جاۋىن-شاشىن مەن كۇشتى جەل الىپ كەلگەن اتموسفەرالىق اعىنمەن تسيكلون قازاقستاننان ىعىسىپ، باتىس ءسىبىردىڭ سولتۇستىك اۋداندارىنان سۋىق انتيتسيكلون تارالادى.
سولتۇستىك وبلىستاردا عانا ەمەس، رەسپۋبليكانىڭ وڭتۇستىگىندە دە تەمپەراتۋرا تومەندەيدى دەپ كۇتىلۋدە. انتيتسيكلون ىقپالىمەن الداعى ءۇش تاۋلىكتە قازاقستاننىڭ سولتۇستىگى جاۋىن-شاشىنسىز بولماق، ءبىراق كۇن سۋىتادى، تۇنگى تەمپەراتۋرا 20-27؛س، جەر-جەرلەردە 30؛س اياز بولادى. قازاقستاننىڭ وڭتۇستىگى مەن وڭتۇستىك-شىعىسىندا قار جاۋادى دەپ كۇتىلۋدە.
كەي وڭىرلەردە شىعىستان كۇشتى جەل سوعىپ، بورانعا ۇلاسادى. تۇندە تەمپەراتۋرا 5-15؛س اياز بولادى. بۇل قازاقستاننىڭ بارلىق اۋماعىنداعى اعىمداعى كەزەڭ ءۇشىن كليماتتىق نورمادان 5-13؛س تومەن.
