08:28, 10 - قىركۇيەك 2016 | GMT +5
وزبەكستان پرەزيدەنتتىگىنە ۇمىتكەرلەردى ۇسىنۋ 30 - قىركۇيەكتە وتەدى
استانا. قازاقپارات - وزبەكستان پرەزيدەنتتىگىنە ۇمىتكەرلەردى ۇسىنۋ 30 - قىركۇيەكتە باستالىپ، 20 - قازاندا اياقتالادى، دەپ مالىمدەدى وزبەكستان و س ك ءتوراعاسى ۋلۋگبەك ءابدۋسالوموۆ. بۇل تۋرالى podrobno.uz حابارلادى.
بۇعان دەيىن حابارلانعانداي، ول وزبەكستاندا پرەزيدەنت سايلاۋى 4 - جەلتوقساندا وتەتىنىن مالىمدەگەن بولاتىن.
«30 - قىركۇيەكتەن باستاپ 20 - قازان ارالىعىندا سايلاۋ تۋرالى زاڭناماعا سايكەس ۇمىتكەرلەردى تىركەۋ ءراسىمى جۇرگىزىلەدى» ، - دەپ حابارلادى ءابدۋسالوموۆ.
ورتالىق سايلاۋ كوميسسياسىنىڭ وتىرىسىندا پرەزيدەنت سايلاۋىن ازىرلەۋ جانە وتكىزۋ جونىندەگى نەگىزگى ءىس- شارالار باعدارلاماسى بەكىتىلدى. وتىرىس بارىسىندا وسىعان قاتىستى بارلىق شارالاردى سايلاۋ كوميسسيالارى قۇرايتىن وزبەكستان و س ك اشىق ءارى جاريالىلى تۇردە وتكىزەتىنى ءمالىم ەتىلدى.
