ەگەر 30 كۇننىڭ ىشىندە سۇيىقتىقتان تەك سۋ ىشسەڭىز نە بولادى

استانا. قازاقپارات- سۋ - تىرشىلىك ءنارى ەكەنى بارىمىزگە بەلگىلى. دەنەمىزدىڭ باسىم بولىگى سۋدان تۇرادى. اعزامىزدىڭ ءاربىر جاسۋشاسى، تەرىسى نەمەسە مۇشەسى تەرەزەڭىزدىڭ الدىنداعى گۇل سياقتى سۋدى قاجەت ەتەدى.
None
None

 وسى جەردە ءبىز گۇلمەن سالىستىرامىز - ەگەر گۇلگە سۋ تىم كوپ ەمەس، تىم از ەمەس، جەتكىلىكتى بولسا، ول گۇلدەيدى، جاپىراقتارى كوگەرىپ، جايقالادى.

ءبىز دە ءوزىمىزدى گۇلمەن سالىستىرىپ، سۋسىندايمىز، ءبىراق كوبىنە سۋدى باسقا سۇيىقتىقتارمەن الماستىرىپ جاتامىز: مىسالى، گازدى سۋمەن، كوفە، ءشاي، سۇتپەن، كەيبىرەۋى ءوزىن جاقسى كورگەنى سونشالىقتى، سۇيىكتى سىراسىنان دا باس تارتپايدى، جانە ت. ب.

 ەگەر بار- جوعى 30 كۇننىڭ ىشىندە اس ۇلەسىنەن سۋدان باسقا بارلىق سۋسىنداردى الىپ تاستاساق، نە بولادى؟ ءبىز كۇندەلىكى تاعامدارىمىزدان باس تارتپايمىز، قيمىل- قوزعالىسىمىزدى كوبەيتىپ نەمەسە ازايتپايمىز، تەك اعزامىزعا قۇيىلاتىن سۇيىقتىقتىڭ بارلىعىن سۋعا الماستىرامىز

 ەڭ ءبىرىنشى ويىمىزعا كەلەتىنى -  قاراجاتىمىزدى ۇنەمدەيمىز. ءيا، بۇل ءشۇباسىز فاكت. الايدا، اعزامىزعا ودان دا قىزىقتى، ودان دا باعالى قانداي پايدا اكەلەمىز؟

 1. شىعارماشىلىق جانە ويلاۋ قابىلەتىڭىز ارتادى.

 30 كۇن وتكەن سوڭ، Neuroscience (نەيروبيولوگيا) جۋرنالىنىڭ تاراتقان اقپاراتى بويىنشا، ميىڭىز بۇرىنعىدان جىلدام رەاكسياسىمەن تاڭ قالدىرادى ەكەن. ميىمىز جاقسى جۇمىس ىستەۋى ءۇشىن توننالاعان كيسلورود قاجەت بولعان سياقتى، سۋ دا ونىڭ جۇمىسىن ارتتىرا الاتىنداردىڭ قاتارىنان تابىلادى. ناتيجەسىندە زەيىنىڭىز ارتىپ، ويلاۋ قابىلەتىڭىز تەزىرەك جانە شاپشاڭىراق بولادى. كۇنىنە 8-10 ستاقان سۋ ىشە وتىرىپ، كوگنيتيۆتىك قابىلەتىڭىزدى باقانداي % 30- عا جاقسارتاسىز.

 2. قۇرداستارىڭىزعا قاراعاندا جاسىراق كورىنەتىن بولاسىز.

 اۋىز سۋى تەرىڭىزدەگى سۋدىڭ مولشەرىن ساقتاي وتىرىپ، قارتايۋ ءۇردىسىن باياۋلاتادى. تەرىڭىزدى ىلعالداندىرىپ، ساۋ، جۇمساق، تەگىس، جارقىراعان، جاس ءارى ءاجىمسىز ەتەدى. بۇلشىق ەتىمىزگە دە تيگىزەر اسەرى مول -  سۋ ونىڭ تونۋسىن ساقتايدى. وسىنداي ناتيجەگە قول جەتكىزۋ ءۇشىن، تەك تازا سۋ ءىشۋىڭىز كەرەك.

Daily Mail جۋرنالىندا جارىق كورگەن ماقالادا 42 جاسار اناعا نەبارى 30 كۇن تەك سۋ ىشكەن سوڭ، 10 جاسقا جاسىراق كورىنگەنىن ايتادى.

ەڭ قىزىعى، تەك سۋ ءىشۋ يدەياسى، وعان ۇنەمى باس اۋىرۋى مەن اس قورىتۋىنىڭ ناشارلاۋىنا اكەپ سوقتى. سول ءۇشىن ول كۇنىنە 3 ليتردەي سۋ ىشە باستادى، ءبىر اي وتكەن سوڭ تاڭ قالدى. ۇنەمى دىڭىلداپ تۇراتىن باس اۋرۋى مەن اس قورىتۋىنىڭ ناشارلاۋى قولمەن سىلىپ تاستاعانداي جوق بولدى. وعان قوسا 10 جاسقا جاساردى. جامان ەمەس قوي، ءيا؟

ءوز سوزىندە ول، «شىن مانىسىندە مەن وسىنشالىق ايىرماشىلىق بولادى دەگەنگە سەنبەدىم. ءوزىمدى اينادان كورگەندە، باسقا ايەلدى كورگەندەي بولامىن. كوزىمنىڭ اينالاسىنداعى قاراۋىتۋلار جوعالدى. تەرىمنىڭ جاسارعانى سونشالىق، جاس كۇنىمدەگىدەي. بۇل مەنىڭ باسىمنان وتكەن كەرەمەت وزگەرىس... ءوزىمدى ارىقتاۋ سەزىنەمىن جانە دەنساۋلىعىم دا جاقسارعانداي، ەڭ قىزىقتىسى، مەنىڭ وزگەرتكەنىم، تەك سۋ عانا»، - دەيدى.

3. يممۋنيتەتىڭىز كۇش كورسەتە باستايدى.

سلوۆاك حالقىنىڭ ماقالى: «تازا سۋ - - بۇل العاشقى مەديتسينا» دەيدى.

بۇل اسىرەلەپ ايتقاندىق ەمەس! سۋ اعزانىڭ ءتيىمدى فۋنكسيالارىن جاڭارتاتىن كاتاليزاتور سياقتى جۇمىس ىستەيدى. سۋدىڭ دۇرىس مولشەردە پايدالانىلۋى - باۋىرىڭىز بەن بۇيرەگىڭىزدىڭ جۇمىسىن جاقسارتىپ، قالىپتى دەڭگەيدە ۇستاۋعا كومەكتەسەدى. وسى مۇشەلەرىڭىز قانداعى ۋلى زاتتاردى، قالدىقتار مەن تۇزداردى كەتىرۋگە جاۋاپتى.

 سونىمەن وسى سالاداعى زەرتتەۋشىلەردىڭ ايتۋىنا سۇيەنسەك، рН تەڭگەرىمىڭىز تۇراقتالىپ، بۇيرەككە تاس جينالۋىنىڭ الدىن الادى ەكەن، وسىلايشا ءبىز باس اۋرۋى مەن تاعى باسقا اۋرۋلارعا شالدىقپايتىن بولامىز.          

4. جۇرەگىڭىز مىقتىراق بولادى.

سۋ جۇرەگىڭىزدىڭ ساۋىعۋىنا كومەكتەسەدى. قان سۇيىلا تۇسكەندىكتەن قان قىسىمى تومەندەپ، جۇرەك تالماسىنىڭ قاۋپى سەيىلەدى.

ۇيىقتار الدىندا ءبىر ستاقان سۋ ءىشىپ جاتساڭىز، جۇرەك تالماسى مەن ينسۋلتتىڭ الدىن الۋعا كومەكتەسەدى.

 امەريكاندىق ەپيدەميولوگيا جۋرنالى التى جىلدىق زەرتتەۋىنىڭ ناتيجەسىن جاريالادى. كۇنىنە بەس ستاقان سۋ ىشكەن ادامدار، جۇرەك تالماسىنان، كۇنىنە تەك 2 ستاقان سۋ ىشكەن ادامدارعا قاراعاندا 41 پايىزعا از ولگەندىگىن بايقاعان.

5. سۇيەكتەرىڭىز قاتايا تۇسەدى.

سۋ ءسىڭىردى قالپىنا كەلتىرۋگە كومەكتەسەدى، وسىنىڭ ارقاسىندا بۋىندارىڭىز باپپەن قيمىلداپ، ناتيجەسىندە بۋىندارعا تۇسكەن سالماقتىڭ اسەرىنەن بولعان زاقىمدار ازايا تۇسەدى.

6. تەرى استىنداعى مايلارىڭىزدىڭ بىرازىمەن دە قوش ايتىساسىز.

30 كۇن بويى تەك سۋ ىشسەڭىز، دەنەڭىز ومىرىڭىزگە ماڭىزدى مۇشەلەرىڭىزدەن ۋلى زاتتار مەن قالدىقتاردى شىعارادى. بۇل دەنەڭىزدى تازارتىپ، ونى ءىشىڭىزدىڭ اينالاسىنداعى مايلاردان ارىلتا باستايدى.

الدىمەن، سالماعىڭىز ازداپ ارتا باستايدى، سەبەبى، دەنەڭىز وسىنشا مولشەردە پايدا بولعان سۋدىڭ مولشەرىنە بىردەن ۇيرەنىسە المايدى. الايدا، ءبىراز ۋاقىت وتكەن سوڭ، اعزاڭىز جاڭا تارتىپكە ۇيرەنەدى. سۋ قارنىڭىزدىڭ اشىپ تۇرعانىن دا جويا الادى. كالوريانى ازداپ قولدانا باستايسىز، ويتكەنى سۋ قارنىڭىزدىڭ اشقانىن باسىپ، اعزاڭىزدى جۋا باستايدى.

 تاعام تانۋ مەن ديەتولوگيا اكادەمياسىنىڭ وكىلى اندرەا ن. دجانكولا كەڭەس بەرگەندەي، تاماقتانۋدىڭ الدىندا ىشىلگەن ءبىر نەمەسە ەكى ستاقان سۋ اس قورىتۋىڭىزعا كومەكتەسىپ، وزىڭىزگە قاجەتتى مولشەردەن تىس تاماق جەۋگە مۇمكىندىك بەرمەيدى. جاي عانا ونى ۇنەمى جاساپ وتىرساڭىز بولدى.

7. زات الماسۋ ءۇردىسى جاقسارادى.

زەرتتەۋلەر كورسەتكەندەي، ۇنەمى سۋ ءىشىپ جۇرگەن ادام ديەتاڭىزعا قاراماي زات الماسۋ ءۇردىسىن جاقسارتادى. تاڭ ەرتەڭ تۇرعان سوڭ، جارتى ليتر سۋ ىشسەڭىز، زات الماسۋ ءۇردىسى % 24- عا ارتادى.

 زات الماسۋ ءۇردىسى نەسىمەن ماڭىزدى؟ دۇرىس -  ءومىرىڭىزدى ۇستاپ تۇرعان اعزالارداعى حيميالىق رەاكسيالاردىڭ جۇرۋىنە تىكەلەي بايلانىستى.                 

ماقالا كوزى: press-me.info

سوڭعى جاڭالىقتار