ا ق ش- تا قازاقستانداعى 30- جىلدارداعى اشارشىلىق تۋرالى كىتاپ شىعادى
بۇل تۋرالى ق ر پرەزيدەنتىنىڭ مۇراعاتىندا وتكەن كونفەرەنسياسىندا امەريكالىق زەرتتەۋشى ماريا بلەكۆۋد مالىمدەدى.
«سىزدەرىڭ مۇراعاتتارىڭىز نەگىزىندە جازىلعان، تاياۋدا جارىق كورگەن اعىلشىن جانە نەمىس تىلىندەگى بىرنەشە جاڭا كىتاپتار بار. اشتىق جايىندا جازىلعان كىتاپ گەرمانيادا جازىلدى، ا ق ش- تاعى تاريحشى سارا كەمەروننىڭ كىتابى بيىل شىعادى. ەكى اۆتوردىڭ دا تاقىرىبى قازاقستانداعى اشتىقتى قامتيدى، ولار كوپتەگەن قىزىقتى ماتەريالدار تاۋىپتى»، - دەدى ول.
ماريا بلەكۆۋدتىڭ ايتۋىنشا، قازىر ول وتكەن عاسىردىڭ 20-30 -جىلدارىنداعى العاشقى قازاق بولشەۆيكتەرى جايلى ديسسەرتاتسيا جازۋ ۇستىندە. ونىڭ ديپلومدىق جۇمىسىنىڭ تاقىرىبى الاشوردالىقتارعا ارنالعان.
«عالىمداردىڭ قىزىعۋشىلىعى مەن نازارىن قازاقستان تاريحىنا اۋدارۋ وتە جەڭىل. سەبەبى ول وتە قىزىقتى. مەن الماتىدا، ماسكەۋدە مۇراعاتتا جۇمىس ىستەدىم. ولاردا كەڭەس وداعىنىڭ ورتالىق مۇراعاتتارى بار - ءسال باسقاشا، الايدا ول قازاقستانمەن بايلانىستى ماتەريالدار» - دەدى ول.
