08:03, 31 - شىلدە 2016 | GMT +5
ءۇندىستاندا نايزاعايدان 30 ادام اجال قۇشتى
استانا. قازاقپارات - سەنبى كۇنى ءۇندىستانداعى وريسسا شتاتىندا نايزاعاي سوعىپ، 30 ادام قازا تاپتى، 36-سى جاراقاتتاندى،
دەپ حابارلادى ر ي ا نوۆوستي جەرگىلىكتى ب ا ق- قا سىلتەمە جاساپ.
بۇل قايعىلى وقيعالار بحادراك پەن بالاسور وكرۋگتەرىندە كوبىرەك تىركەلگەن. ولاردىڭ ءارقايسىسىندا كەم دەگەندە جەتى ادامنان ولگەن. تاعى التاۋى كحۋردا وكرۋگىندە اجال قۇشقان.
ءۇندىستاندا مۋسسوندىق جاڭبىر ماۋسىمى كەزىندە جاي ءتۇسىپ قازا تاباتىندار از بولمايدى. اتاپ ايتقاندا، ماۋسىمنىڭ اياعىندا ءبىر ءتۇننىڭ ىشىندە سولتۇستىك جانە سولتۇستىك- شىعىس شتاتتارىندا نايزاعاي سوققىسىنان 100-گە جۋىق ادام و دۇنيەگە اتتاندى.
