ساراپشىلار مۇناي باعاسىنىڭ ءبىر باررەلى 30 دوللارعا دەيىن تومەندەيتىنى تۋرالى ەسكەرتتى

استانا. قازاقپارات - ساراپشىلار مۇناي باعاسىنىڭ ءبىر باررەل ءۇشىن 30 دوللارعا دەيىن تومەندەيتىنى تۋرالى ەسكەرتتى، دەپ جازادى ر ب ك.

Commerzbank, BNP Paribas جانە UBS Group وكىلدەرى مۇناي باعالارىنىڭ قاڭتارداعى مينيمۋمدارمەن سالىستىرعاندا 70 پايىزعا ءوسۋى نارىقتا وتكەن جىلى بولعان جاعدايدى ەسكە سالاتىنىن Bloomberg اگەنتتىگىنە حابارلادى.

وندا Brent ماركالى مۇناي باعاسى كوكتەمدە ءبىر باررەلى ءۇشىن 68 دوللاردى قۇراسا، مامىر ايىندا بۇل ترەند جويىلدى. BNP جانە UBS ساراپشىلارىنىڭ پىكىرىنشە، الداعى اپتا باعا ءبىر باررەل ءۇشىن 30 دوللار كورسەتكىشىنە ورالا الادى.

Bloomberg مۇناي باعالارىنىڭ وسۋىنە مۇناي سالاسى قىزمەتكەرلەرىنىڭ ەرەۋىلى وتكەن نيگەريا، يراك جانە كۋۆەيتتەگى تۇراقسىز جاعداي اسەر ەتكەنىن اتاپ وتەدى.