الماتىدا بيىل 30 مىڭنان استام جاڭا جۇمىس ورنى اشىلادى
بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.
الماتىدا 2016 -جىلى قۇرىلىس جانە كۇردەلى جوندەۋ بويىنشا 164 جوبانى جۇزەگە اسىرۋ 30 مىڭنان استام جاڭا جۇمىس ورنى اشىلادى.
جۇمىسپەن قامتۋ ورتالىعىنا جۇگىنگەن ءۇش مىڭنان استام جۇمىسسىز جۇرگەندەر جۇمىسپەن قامتىلادى.
2016 -جىلى الماتىدا جۇمىسپەن قامتۋ كەشەندى جوسپارىنا سايكەس، 23413 ادام جۇمىسپەن قامتىلسا، ولاردىڭ ىشىندە 13744 ادام مەملەكەتتىڭ قولداۋىنسىز جۇمىسقا ورنالاسادى.
ودان باسقا، الماتى قالاسى بيۋدجەتىندە قاراستىرىلعان جوبالاردى جۇزەگە اسىرۋ تاعى دا 4,3 مىڭ جۇمىس ورنىن اشۋعا مۇمكىندىك بەرەدى.
ال الماتىدا مەملەكەتتىك جانە وڭىرلىك باعدارلامالار اياسىندا جۇمىسپەن قامتۋ ورتالىعىنا جۇگىنگەن جۇمىسسىزدارعا جۇمىس ورىندارى بويىنشا كۆوتا بەرۋ پراكتيكاسى ەنگىزىلەدى.
بۇگىنگى تاڭدا قالادا اۋدان اكىمدىكتەرى مەن كاسىپورىندار جانە كاسىپوداقتارمەن 351134 جۇمىس ورنىن ساقتاۋ بويىنشا 25533 مەموراندۋمعا قول قويىلعان.
جالپى، الماتىدا قالانى دامىتۋ جانە «جۇمىسپەن قامتۋ جول كارتاسى-2020» باعدارلاماسى اياسىندا تۇرعىنداردى جۇمىسپەن قامتۋ شارالارىنا 6 ميلليارد 798 مىڭ تەڭگە بولىنگەن.
اۆتور: ايبوتا جاپپاربەرگەن
