08:37, 10 - ناۋرىز 2016 | GMT +5
الەمنىڭ 30 دان اسا مەملەكەتى سىرتتان كەلەتىن ازىق-تۇلىك كومەگىنە ءزارۋ - ب ۇ ۇ
استانا. قازاقپارات - ەل-نينو تابيعي قۇبىلىسى تۋدىرعان قۇرعاقشىلىق سالدارىنان افريكانىڭ وڭتۇستىگى، سونداي-اق ورتالىق امەريكا جانە كاريب باسسەينى ەلدەرىنىڭ تۇرعىندارىنا ازىق-تۇلىك جەتىسپەي جاتىر.
بۇل مەملەكەتتەردە 2016-جىلعى تۇسىمگە قاتىستى بولجام دا كوڭىل كونشىتەرلىك ەمەس.
بۇل تۋرالى ب ۇ ۇ ازىق-تۇلىك جانە اۋىل شارۋاشىلىق ۇيىمىنىڭ (ف ا و) «ءتۇسىم تۇرلەرى جانە ازىق-تۇلىكتەردىڭ جاي-كۇيى» اتتى ەسەبىندە جاريا ەتىلدى. ونى ازىرلەۋشىلەر 34 مەملەكەت، ونىڭ ىشىندە افريكا قۇرلىعىنداعى 27 ەل سىرتتان كەلەتىن ازىق-تۇلىك كومەگىنە ءزارۋ ەكەندىگىن اتاپ وتكەن.
كەي ەلدەردەگى ىشكى ازاماتتىق كيكىلجىڭ دە ونداعى جاعدايدى ۋشىقتىرا تۇسكەن.
الەمنىڭ باسقا بولىكتەرىندە قازىرگى ەگىس ناۋقانىن ەسكەرسەك (سولتۇستىك جارتى شارداعى كۇزگى ەگىستى قوسا العاندا) تۇسىمگە قاتىستى ءبىرشاما جاقسى بولجام جاسالىپ وتىر. باستاپقى بولجامعا سايكەس 2016-جىلى استىقتىڭ ءتۇسىمى مول بولادى دەپ كۇتىلۋدە، بولجام ازيانىڭ كوپتەگەن ەلدەرىن قامتيدى.
