02:07, 13 - اقپان 2016 | GMT +5
كانادا تۇرعىنى 30 جىلدان سوڭ ءوزىنىڭ كىم ەكەنىن ەسىنە ءتۇسىردى
استانا. قازاقپارات - كانادادا سەنت-كەترينس قالاسىنىڭ تۇرعىنى 51 جاسىندا ءوزىنىڭ شىن ەسىمى مەن قايدان كەلگەنىن ەسىنە ءتۇسىردى.
ول 1986-جىلى بارلىعىن ۇمىتىپ قالعان ەكەن، دەپ حابارلايدى CNN.
ەر ادام الەۋمەتتىك قىزمەتكەرگە بارىپ، ءوزىنىڭ شىن ەسىمى ەدگار لاتيۋليپ جانە كيتچەنەر قالاسىنان ەكەنىن مالىمدەگەن. ول 21 جاسىندا اقىل-وي اۋىتقۋشىلىعىنان زارداپ شەككەن.
تۋعان قالاسىنان نياگارا سارقىراماسىنا بارا جاتقان جولدا باسىن سوعىپ الىپ، بارلىعىن ۇمىتىپ قالعان. ونىڭ اناسى ەدگاردى مۇگەدەكتىگىن پايدالانىپ، بىرەۋلەر ۇرلاپ كەتتى دەپ ويلاعان.
30 جىل بويى ءىز-ءتۇزسىز جوعالعاندار قاتارىندا بولعان. الايدا سول ۋاقىتتا ول تۋعان قالاسىنان 1,5 شاقىرىم قاشىقتىقتاعى سەنت-كەترينس قالاسىندا تۇرىپ، جۇمىس ىستەگەن.
24.kz
