جاس ديزاينەر: جاڭا ۇلگىدەگى جەمپىردى 30 جىل كيۋگە بولادى
ايتۋىنشا، ونىڭ يدەياسىنان تۋىنداعان كيىم جىل سايىن وزگەرىپ وتىراتىن ءسان ۇلگىسىنە توقتاۋ جاساپ، تۇرمىستىق قالدىقتى ازايتادى. لوندوندىق ديزاينەر توم كريدلەند. ءسان سالاسىندا وزىندىك جاڭالىق ەنگىزگىسى كەلگەن 25 جاستاعى جىگىت ءداستۇرلى كاسىپ پەن جاڭا تەحنولوگيانى بىرىكتىرىپ، جاڭا ماتا ءتۇرىن ويلاپ تاپقان. ءسويتىپ ول ماتادان وتە ءتوزىمدى كيىم تىككەن. سوزىنە قاراعاندا، يننوۆاتسيالىق تريكوتاجدان جاسالعان جەمپىر 30 جىلعا دەيىن توزبايدى جانە قۇنى تەڭگەگە شاققاندا 25 مىڭ تۇرادى.
توم كريدلەند، كاسىپكەر ديزاينەر:
- كيىمنىڭ ماتاسى تابيعي ماقتا مەن از عانا پوليەستەر دەپ اتالاتىن سينتەتيكالىق قوسپادان تىگىلگەن. ونىڭ 1 مەترىندە 360 گرام ماقتا بار. ونى پورتۋگاليادان الدىرامىن. ءوزىم جارتىلاي پورتۋگالدىق بولعاننان كەيىن سولاردىڭ كومەگىنە جۇگىندىم. سونشالىقتى ءساندى بولماسا دا، وتە شىدامدى ءارى كيۋگە ىڭعايلى.
ال لوندوندىق جاس ديزاينەر ارىپتەستىك ورناتقان پورتۋگالدىق فيرما 1964 -جىلدان بەرى ماتا سالاسىندا جۇمىس ىستەپ كەلەدى. ولاردىڭ 1970 -جىلدارى تىككەن جەمپىرلەرى وسى كۇنگە دەيىن سول قالپىندا ساقتالعان. بۇگىندە كاسىپكەرلەر ءداستۇرلى ادىستەر مەن زامانۋي ماتەريالداردى بىرىكتىرىپ ءونىم شىعارۋعا كىرىسكەن.
توم كريدلەند، كاسىپكەر ديزاينەر:
- ءوز ءونىمىمىزدىڭ ساپاسى 30 جىلعا دەيىن جەتەتىنىنە تولىق كەپىلدىك بەرەمىن. ونىڭ ۇستىنە قورشاعان ورتاعا دا ەشقانداي زيان كەلتىرىپ، قالدىق شاشپايمىز. سوندىقتان تابيعي تازا ءونىم دەسەم دە بولادى. ساپاسى ناشار، ارزانقول ماتادان تىگىلگەن كيىمنىڭ تەز قوقىسقا كەتەتىنى دە بەلگىلى. ال توم ءوزىنىڭ توزبايتىن جەمپىرلەرىن حالىق اراسىندا تانىتۋ ءۇشىن روجدەستۆو الدىنداعى ساۋدادا ساتۋدى جوسپارلاپ وتىر.
www.24.kz
