04:38, 31 - قازان 2015 | GMT +5
قىتايدا 30 شاقتى جۇمىسشى ءۇيىندى استىندا قالدى
استانا. قازاقپارات - حىنان ولكەسى ۋياڭ قالاسىنداعى قۇرىلىس جۇمىستارى كەزىندە عيمارات قۇلاپ، 30 شاقتى ادام ءۇيىندى استىندا قالدى.
بۇل تۋرالى قىتايدىڭ Sina news اقپاراتتىق سايتى حابارلادى.
30 - قازان كۇنى ساعات 14:00 شاماسىندا قاتتى ءدۇمپۋ ەستىلىپ، سالىنىپ جاتقان تۇرعىن ءۇي نىسانى وپىرىلىپ تۇسكەن. كۋاگەرلەردىڭ ايتۋىنشا، بۇل كەزدە عيماراتتىڭ ىشىندە 30 عا جۋىق قۇرىلىسشى بولعان. قازىرگى ۋاقىتتا جەدەل جاردەم مەن قۇتقارۋشىلار وقيعا ورنىندا جۇمىس ىستەپ جاتىر. جارالانعان نەمەسە مەرت بولعاندار تۋرالى ازىرگە مالىمەتتەر جوق.
www.24.kz
