كوكشەتاۋداعى كونديتەرلىك فابريكا 30 شاقتى ءونىم ءتۇرىن شىعارادى
بيىل كوكتەمدە كوكشەتاۋدا اشىلعان ءتاتتى ناندار سەحى بۇگىندە ءونىم كولەمىن ارتتىرىپ كەلەدى. از عانا ۋاقىتتىڭ ىشىندە كاسىپورىن ايماققا ساپالى تاۋارلارىمەن تانىلىپ، ەندى الداعى ۋاقىتتا ەكسپورتقا شىعۋدى كوزدەپ وتىر.
كوكشەتاۋلىق ايگەرىم جومارتوۆا بۇل كاسىپورىندا اشىلعالى بەرى ەڭبەك ەتىپ كەلەدى. وسىعان دەيىن ءۇي شارۋاسىندا بولعان ول ءتاتتى ناندار سەحىنان تابىستى ءارى تۇراقتى، ەڭ باستىسى، سۇيىكتى جۇمىس تاپقانىنا قۋانىشتى. شاعىن فابريكانى تۇرعىزۋعا 200 ميلليون تەڭگەدەن استام قاراجات جۇمسالىپتى. «زاماناۋي قوندىرعىلار ءتاتتىنىڭ ءتۇر-ءتۇرىن اۆتوماتتى تۇردە جانە كوپ كولەمدە وندىرۋگە مۇمكىندىك بەرەدى»، - دەيدى مۇنداعىلار.
ماسەلەن، باسىندا سەحتا ءونىمنىڭ 10 شاقتى ءتۇرى عانا شىعارىلسا، قازىر كاسىپورىن 30 شاقتى ءونىمدى ءوز تۇتىنۋشىلارىنا ۇسىنىپ وتىر.
تاتيانا پەتروۆا، كونديتەر سەحىنىڭ باس تەحنولوگى:
- بىزدە 3 جەلى جۇمىس ىستەيدى جانە تاۋلىگىنە 3 تونناعا جۋىق ءونىم شىعارامىز. حالىقتىڭ كوڭىلىنەن شىعۋ ءۇشىن تاتتىلەردى بارىنشا ساپالى ەتىپ وندىرۋدەمىز. ماقساتىمىز - ەل نارىعىن تولىق قامتىپ، ەكسپورتقا شىعۋ.
قازىردىڭ وزىندە ءوندىرىس وشاعىنىڭ ونىمدەرى ەلىمىزدىڭ بەس بىردەي وڭىرىنە جەتكىزىلۋدە. 30 ادامدى ەڭبەكپەن قامتىپ وتىرعان نىسان الداعى ۋاقىتتا اۋقىمدى جوسپارلاردى ىسكە اسىرۋدى كوزدەيدى.
www.24.kz