سولتۇستىك كورەيا جاپوندىقتاردان وزگەشە بولۋ ءۇشىن ساعاتتى 30 مينۋت كەرى شەگەرەدى
كورەي حالىق رەسپۋبليكاسى 15 -تامىزدا اتالىپ وتىلەتىن كورەيانىڭ جاپوندىق باسقىنشىلىقتان ازات ەتۋدىڭ 70 جىلدىعىن وسىلايشا اتاپ وتپەك، دەپ حابارلادى كوتا اگەنتتىگى.
اگەنتتىك جاڭا ستاندارت استرونوميالىق ۋاقىتقا سايكەس كەلەدى جانە جاپونيا ۋاقىتىنان وزگەشە بولاتىنىن اتاپ ءوتتى.
«جاپون يمپەراليستەرى كورەيانى ءوز ۋاقىتىنان ايىرىپ، كەشىرىلمەيتىن قىلمىس جاسادى»، - دەلىنگەن حابارلامادا.
كورەيا جارتى ارالى 1910-1945 -جىل ارالىعىندا جاپون وتارىندا بولدى، سول كەزدە كولونيالىق بيلىك بارلىق كورەياعا جاپوندىق ۋاقىتتى بەلگىلەگەن.
سەۋل جاڭا ۋاقىتقا اۋىسۋ بويىنشا ك ح د ر جوسپارىن ماقۇلدامادى.
