عالىمدار 30 جىلدان كەيىن جەردى توپان سۋ باساتىنىن مالىمدەدى

استانا. قازاقپارات - ساراپشىلاردىڭ مالىمەتتەرى بويىنشا دۇنيەجۇزىلىك مۇحيت دەڭگەيى جىلدام كوتەرىلىپ كەلەدى.

30 جىلدان كەيىن كوپتەگەن مەگاپوليستەر سۋ استىندا قالادى. سوڭعى زەرتتەۋلەرگە سايكەس اركتيكاداعى مۇز بۇرىنعىدان دا جىلدام ەرىپ جاتىر. بۇل دۇنيەجۇزىلىك مۇحيت سۋى شامادان تىس كوبەيىپ، الەمدىك توپان سۋ باسۋىنا اكەلەدى.

عالىمدار مۇحيتتاعى سۋ دەڭگەيى 5 مەترگە كوتەرىلگەنىن راستاپ وتىر. سونداي-اق ولار سۋ دەڭگەيىنىڭ 1-2 مەترگە كوتەرىلۋىنىڭ ءوزى اپاتتىق جاعدايلارعا الىپ كەلەتىنىن ەسكەرتەدى. ولاردىڭ ەسەپتەۋلەرىنشە الەم بويىنشا ماتەريكتەردەگى مەگاپوليستەر 30 جىلدان كەيىن سۋ استىنا كەتەدى.

ەڭ ءبىرىنشى سۋ استىنا ا ق ش- تىڭ شىعىس جاعالاۋلارى مەن اۆستراليا تۇرعىندارىنىڭ 80 پايىزى ءومىر سۇرەتىن بولىگى كەتەدى ەكەن. وسىلايشا، 2050-جىلى الەمدى توپان سۋ باسۋى مۇمكىن.

توماس كارل، ا ق ش- تىڭ مۇحيتتىق جانە اتموسفەرالىق زەرتتەۋلەردىڭ ۇلتتىق باسقارماسى، كليماتتىق دەرەكتەر ورتالىعىنىڭ ديرەكتورى:

- سوڭعى ۋاقىتتا ءبىز كليماتتىق جۇيە ۇردىستەرىندە قازىرگى الەمنىڭ بۇكىل تاريحىنان كورمەگەن وزگەرىستەردى باقىلاپ وتىرمىز.

 24.kz