21:07, 08 - شىلدە 2015 | GMT +6
شىعىس قازاقستان وبىلىسىندا توبەلەس كەزىندە «قازاق مىستىڭ» 30 دان استام جۇمىسشىسى زارداپ شەكتى
استانا. قازاقپارات - 8 - شىلدەدە ش ق و اياگوز اۋدانىنداعى «قازاق مىس» كورپوراتسياسى تاۋ- كەن بايىتۋ كومبيناتىنىڭ اسحاناسىندا جۇمىسشىلاردىڭ ءبىرى تاعامنىڭ ساپاسىنا نارازىلىق ءبىلدىرىپ، كومبينات اسپازشىسىن ۇرعان.
بۇل كاسىپورىن جۇمىسشىلارى اراسىنداعى توپتىق توبەلەستىڭ تۋۋىنا سەبەپ بولدى.
اقتوعاي كەنتى پوليتسيا ءبولىمىنىڭ قىزمەتكەرلەرى وقيعا ورنىنا كەلگەن سوڭ، توبەلەس توقتاتىلدى، دەپ حابارلادى ش ق و ءى ءى د باسپا ءسوز قىزمەتىنەن.
سالدارىنان تاۋ- كەن بايىتۋ كومبيناتىنىڭ 31 جۇمىسشىسى، سونىڭ ىشىندە ءبىر كۇزەتشى زارداپ شەكتى. 21 ادام - ق ح ر (قىتاي) مەن قازاقستان ازاماتتارى اياگوز جانە وسكەمەن قالالارىنىڭ مەديتسينالىق مەكەمەلەرىنە جەتكىزىلدى.
اتالعان فاكت بويىنشا تەرگەۋ امالدارى جۇرگىزىلىپ جاتىر.
قازىر جاعداي تۇراقتالىپ، باقىلاۋعا الىندى. ءتيىستى شارالار اتقارىلىپ جاتىر.
