قالا كۇنى قارساڭىندا ەلوردالىق 30 جۇپ نەكەلەرىن قيدى - فوتو
نەكە تۋرالى كۋالىكتى سالتاناتتى جاعدايدا تاپسىرۋ ءراسىمى «سالتانات سارايىندا» ءوتتى. بۇنداي راسىمدەر ەلوردانىڭ تۋعان كۇنىنە وراي جىلدا وتكىزىلەتىن داستۇرگە اينالدى. اتالعان شارا قالا كۇنىندە وسىمەن سەگىزىنشى رەت وتۋدە. جاس جۇبايلار اراسىندا بۇگىن ينتەرناتسيونالدىق نەكەلەر دە بولدى.
سالتاناتتى شارادان كەيىن جاس جۇبايلار تۋتۇعىرعا قاراي كوتەرىلىپ، كوك اسپانعا اق شارلاردى ۇشىردى. وسىدان كەيىن "دۋمان" ويىن- ساۋىق كەشەنىندە كونسەرتتىك باعدارلاما، ءتۇرلى ويىندار ءوتتى. سونىمەن قاتار توي قوناقتارىنا داستارحان جايىلىپ، مەرەكەلىك ۇلكەن تورت تارتۋ ەتىلدى.
«وسىندا استانا كۇنىندە نەكە قيۋعا نيەت بىلدىرگەن جۇپتار جينالىپ وتىر. قاتىسۋشىلار شاراعا بىر كۇن قالعاندا دا قوسىلىپ جاتتى. بۇل اتالمىش جوبانىڭ تانىمالدىلىعىن، وسى شارانىڭ بەدەلىن كورسەتەدى»، - دەيدى قالانىڭ كاسىپكەرلىك جانە ونەركاسىپ باسقارماسىنىڭ باسشىسى رىسكۇل قاۋعابايەۆا.
اۆتور: جاسۇلان جولدىبايەۆ
