الماتىدا «جەدەل جاردەمدى» جىلىنا 30 مىڭعا جۋىق ادام نەگىزسىز شاقىرتادى - ج. قاسىمجانوۆا
قالالىق دەنساۋلىق ساقتاۋ باسقارماسىنىڭ باسشىسى جانات قاسىمجانوۆا پرەمەر- ءمينيستردىڭ ورىنباسارىنا جەدەل جاردەمدى نەگىزسىز شاقىرۋشىلاردى زاڭ بويىنشا جازالاۋ تەتىكتەرىن قاراستىرۋدى ايتتى.
ونىڭ ايتۋىنشا، ءبىر جىلدا تۇرعىنداردان تۇسكەن 30 مىڭ قوڭىراۋ جالعان بولىپ شىعادى.
«الماتىدا جىلىنا جەدەل جاردەمدى نەگىزسىز شاقىراتىنداردان 30 مىڭعا جۋىق قوڭىراۋ تۇسەدى. ءبىر ادام كۇنىنە ءۇش رەت شاقىراتىن كەز بولادى. ودان بيۋدجەتكە 132 ميلليون تەڭگە شىعىن كەلدى. وسىنداي نەگىزسىز ارەكەتى ءۇشىن ادامداردى جاۋاپكەرشىلىككە تارتاتىن نورماتيۆتىك قۇقىقتىق اكتىلەر قابىلداۋ ماسەلەسىن قاراستىرۋىڭىزدى سۇرايمىن.
سونداي- اق، ورتالىقتارعا ناۋقاستاردى شۇعىل جەتكىزۋ ءۇشىن وسى جىلدىڭ 4 ايىندا 3,3 ميلليون تەڭگە كەتتى. 500 گە جۋىق ايەل الماتىدا تۇرماسا دا، وسى قالادا بوساندىرىلدى. ولارعا 40 ميلليون تەڭگە تولەندى. وسىعان بايلانىستى قالاعا بولىنەتىن مەملەكەتتىك تاپسىرىستىڭ كولەمىن قايتا قاراپ شىعۋدى وتىنەمىن»، - دەدى ج. قاسىمجانوۆا.
ءوز كەزەگىندە ۆيسە- پرەمەر اتالعان ماسەلەنى ق ر پارلامەنت ءماجىلىسىنىڭ قاراۋىنا جەتكىزەتىنىن مالىمدەدى.
ودان وزگە بەردىبەك ساپاربايەۆ قازاقستانداعى مەديتسينا سالاسىنداعى اسا وزەكتى ماسەلەلەردى تىلگە تيەك ەتتى.
اتاپ ايتقاندا، 2016 - جىلدىڭ قاڭتارىنان باستاپ دارىگەرلەردىڭ جالاقىسىن كوبەيتۋ ماسەلەسى قاراستىرىلاتىنىن ايتتى. سونداي- اق، مامان تاپشىلىعى دا نازاردان تىس قالعان جوق.
«الماتى قازاقستاننىڭ مادەني، عىلىمي قارجى ورتالىعى دەپ اتايمىز. الەۋمەتتىك سالالار ۋاقىتتا جوعارى دەڭگەيدە بولعان. الەۋمەتتىك شىعىندار 4 تريلليون تەڭگەنى قۇرايدى. نەگىزگى بارلىق الەۋمەتتىك تولەمدەر الەۋمەتتىك جاۋپكەرشىلىك تولىعىمەن شەشىلىپ جاتىر. سوڭعى تاپسىرماعا سايكەس، ءبىراز وزگەرىس جاساۋ كەرەك. جۇمىستىڭ بارلىعى حالىقتىڭ تۇرمىسىن جاقسارتۋعا باعىتتالۋى كەرەك. مەملەكەت باسشىسى 5 ينستيتۋتسيونالدىق رەفورمانى ۇسىنعان. وسىعان بايلانىستى ەكونوميكالىق ءوسىمدى تومەندەتپەۋىمىز كەرەك»، - دەدى ب. ساپاربايەۆ.
اۆتور: گۇلميرا عوسمانالي
