05:22, 23 - مامىر 2015 | GMT +5
شىمكەنتتە 30 دان استام ديزاينەر قازاقى ۇلگىدەگى كيىمدەردىڭ كورسەتىلىمىن وتكىزدى
شىمكەنت. قازاقپارات - شىمكەنت قالاسىنداعى ەتنوۇلگىدەگى كيىمدەر كورسەتىلىمىندە ءوز جۇمىستارىن 30 دان استام ديزاينەر ۇسىندى. ولاردىڭ الدىنا زاماناۋي مودەلدەر مەن ۇلتتىق ەلەمەنتتەردى قوسۋ سىندى قيىن مىندەت قويىلعان.
ۇسىنىلعان كيىم ءتۇسى قانىق، كيۋگە ىڭعايلى، سونداي- اق ۇلتتىق ەرەكشەلىكتى تانىتىپ وتىر.
«ءوز مودەلدەرىمە ءارقاشان بۇل قازاق قىزى ەكەنىن تانىتاتىن ەلەمەنتتەر قوسىپ وتىرامىن. مەنىڭ توپتامام تولىقتاي قولدان تىگىلگەن. كەستەلەۋگە وتە كوپ ۋاقىت كەتتى، بۇل كوپ ەڭبەكتى قاجەت ەتەدى»، - دەپ باياندايدى ديزاينەر ديلدورا يۋسۋپوۆا.
شىمكەنتتە ۇلتتىق ستيلدەگى كيىمدەر كورسەتىلىمى ەكىنشى رەت وتكىزىلىپ وتىر. قازىر جاڭا يدەيالار، جاڭا ويۋلار ۇسىنىلىپ، جۇمىستا جاڭا ماتالار پايدالانىلعان. ديزاينەرلەر وسىنداي كيىم قازاق حالقىنىڭ مادەنيەتىن كورسەتىپ، وتانسۇيگىشتىككە تاربيەلەيتىنىن ايتادى.
