ق ر پرەزيدەنتى: حالىق سانىنىڭ ءوسۋىن ەسكەرسەك، تاياۋ 30 جىلدا ازىق-تۇلىك ءوندىرىسىن ەسەلەۋگە تۋرا كەلەدى

استانا. قازاقپارات - حالىق سانىنىڭ ءوسۋىن ەسكەرسەك، تاياۋ 30 جىلدا ازىق-تۇلىك ءوندىرىسىن ەسەلەۋگە تۋرا كەلەدى. بۇل تۋرالى استانا ەكونوميكالىق فورۋمى بارىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلانعان اقوردانىڭ تۆيتتەردەگى پاراقشاسىندا.

«حالىق سانىنىڭ ءوسۋىن، تابىسى مەن ۋربانيزاتسياسىن ەسكەرسەك، تاياۋ 30 جىلدا ازىق-تۇلىك ونىمدەرى ءوندىرىسىن ەسەلەۋگە تۋرا كەلەدى»، - دەدى ەلباسى.

سونىمەن قاتار مەملەكەت باسشىسى: «كليمات وزگەرىسى كۇتكەندەگىدەن جىلدام ءجۇرىپ جاتىر، ال ونىڭ اۋىر سالدارى تابيعات اپاتتارىنان كورىنۋدە»، - دەپ اتاپ ءوتتى.

ەستەرىڭىزگە سالا كەتەيىك، بۇگىن ەلورداداعى تاۋەلسىزدىك سارايىندا «ينفراقۇرىلىم: ەكونوميكانىڭ تۇراقتى ورلەۋىنىڭ درايۆەرى» تاقىرىبىنداعى استانا ەكونوميكالىق فورۋمى جالعاسۋدا.