قازاقستاندا الەمنىڭ دامىعان 30 ەلىنىڭ قاتارىنا كىرۋگە بارلىق مۇمكىندىكتەر بار - ا ق ش ساياساتتانۋشىسى
بۇنداي پىكىردى بۇگىن استانادا ءوتىپ جاتقان «قازاقستاندىق جول - بولاشاعى ءبىر ۇلت» اتتى حالىقارالىق ساياساتتانۋشىلار كونگرەسىندە اقپارات جانە ساياسي تالداۋ ورتالىعىنىڭ پرەزيدەنتى (ا ق ش) حۋمان سادري ءمالىم ەتتى.
«مەنىڭ ويىمشا، قازاقستاندا الەمنىڭ دامىعان 30 ەلىنىڭ قاتارىنا ەنۋگە جوعارى مۇمكىندىكتەر بار. قۋاتتى كۇشكە اينالۋى ءۇشىن ەلگە بىرنەشە فاكتورلار كەرەك. ولاردىڭ ءبىرى جاقسى ەكونوميكالىق رەسۋرستارعا بايلانىستى. ال بۇنداي رەسۋرس قازاقستاندا بار. سونىمەن قاتار ادامي رەسۋرستار دا قازاقستاندا بار»، - دەپ توقتالدى ساياساتتانۋشى.
وسى ورايدا ول قازاقستاندا ءبىلىمدى جاستار وتە كوپ ەكەنىن، سونداي-اق بارشا الەمدە قازاقستاندىق عالىمدار مەن زەرتتەۋشىلەر تانىلىپ كەلە جاتقاندىعىن اتاپ ءوتتى. «بۇگىندە ا ق ش- تا دا قازاقستان عالىمدارى تانىلىپ وتىر. ەڭ باستىسى - بۇل قۋاتتى، ساۋاتتى كوشباسشىلىق. بۇنداي ارتىقشىلىق بۇگىندە قازاقستاننان بايقالىپ وتىر»، - دەدى ح. سادري.
ءسوز سوڭىندا ساياساتتانۋشى قازاقستان ورتالىق ازيا ەلدەرى اراسىندا مۇمكىندىگى جوعارى مەملەكەت ەكەنىن اتاپ ءوتتى.
اۆتور: رۋسلان عابباسوۆ
