تالدىقورعان اۋە بازاسىنا رەسەيدەن ساتىپ الىنعان سۋ-30س م جويعىش ۇشاقتارى كەلىپ قونادى

تالدىقورعان. قازاقپارات - ەرتەڭ، 17 -ساۋىردە، تالدىقورعان قالاسىنداعى قازاقستان قارۋلى كۇشتەرىنىڭ اۋە بازاسىنا رەسەيدەن ءتورت سۋ-30س م جويعىش ۇشاعى جەتكىزىلەدى.

وسىعان بايلانىستى سالتاناتتى شارا وتپەك.

بۇل ۇشاقتاردى قازاقستان رف يركۋتسك اۋەقۇرىلىس زاۋىتىنان ساتىپ الدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.

سۋ-30 س م - الەمدەگى ۇزدىك اۋە تەحنيكاسىنىڭ ءبىرى سانالاتىن سۋ-27 نىڭ جەتىلدىرىلگەن ءتۇرى. بۇل جاڭا ماشينالار رەسەيدىڭ يركۋتسك قالاسىنداعى بىرىككەن اۋەقۇرىلىس كورپوراتسياسىنىڭ زاۋىتىندا جاسالادى.

قازاقستان وسىنداي 4 ۇشاق الادى. قازىر تالدىقورعان اۋە بازاسىنىڭ 10 ۇشقىشى، سونداي-اق تەحنيكالىق ءبولىم ماماندارى رەسەيدە جاڭا ۇشاقتىڭ قىر-سىرىن مەڭگەرۋدە.

ۇشاق بازادان الىس بولسا دا كەز كەلگەن اسكەري تاپسىرمالاردى اۋا رايىنا، ۋاقىتقا قاراماستان ورىنداي الادى.

ۇشاق قارۋدىڭ سان تۇرىمەن جانە بورتتىق راديوەلەكترلىك قوندىرعىلار كەشەنىمەن جابدىقتالعان.