جىل سايىن 30 مىڭ قازاقستاندىق شەتەلگە كوشىپ كەتەدى - ستاتيستيكا كوميتەتى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ ءتوراعاسى ءاليحان سمايىلوۆ ءمالىم ەتتى.
«2014 -جىلى قازاقستاننان شەتەلگە تۇرعىلىقتى تۇرۋعا كەتكەندەردىڭ سانى 29 مىڭ ادامدى قۇرادى. تالدايتىن بولساق، سوڭعى بەس جىلدا بۇل ۇدەرىس تۇراقتى ساقتالىپ كەلەدى. جىل سايىن 28-30 مىڭ ادام شەتەلگە كوشىپ كەتەدى»، - دەيدى ول.
دەگەنمەن ونىڭ سوزىنە قاراعاندا، قازاقستانعا قونىس اۋدارعانداردىڭ سانى دا وسى شامادا.
«ال قازاقستانعا كوشىپ كەلۋشىلەردىڭ سانى دا سوڭعى بەس جىلدا تۇراقتى دەڭگەيدە. مىسالى، سوڭعى بەس جىلدا قازاقستاننان كەتكەندەردىڭ سانى 142 مىڭ ادامدى قۇراسا، ءدال وسى وسى كەزەڭدە قازاقستانعا كەلگەندەر سانى - 149 مىڭ ادام»، - دەدى كوميتەت باسشىسى.
ونىڭ ايتۋىنشا، بۇنىڭ الدىنداعى بەسجىلدىقتا، 2005-2009 -جىلدارى قازاقستانعا كوشىپ كەلەتىندەردىڭ سانى ەداۋىر كوپ بولعان. ول ارالىقتا 300 مىڭعا جۋىق ادام قونىس اۋدارعان.
«ەلىمىزدەگى نەگىزگى كوشى- قون الماسۋى ت م د مەملەكەتتەرىمەن بولۋدا. ال ەل ىشىندە كوشىپ- قونۋشىلار سانىن قارايتىن بولساق، ولاردىڭ سانى 38 پايىزعا ءوستى جانە 80335 ادامدى قۇرادى.
ءوڭىرارالىق كوشىپ- قونۋشىلاردىڭ ۇلەسىنە ەلىمىزدىڭ جالپى ىشكى كوشىپ- قونۋشىلار سانىنىڭ %40,4 (%43,7) تيەسىلى. ءوڭىرارالىق كوشى- قوننىڭ وڭ ايىرىمى الماتى، استانا قالالارىندا جانە اقمولا، ماڭعىستاۋ، اتىراۋ، قوستاناي، پاۆلودار وبلىستارىندا قالىپتاستى»، - دەپ اتاپ ءوتتى ءا. سمايىلوۆ.
اۆتور: جاسۇلان جولدىبايەۆ
