پاۆلودار تۇرعىنى 30 قاريانى توناپ كەتتى

استانا. قازاقپارات - پاۆلوداردا جالعىزباستى زەينەتكەرلەردى توناپ كەلگەن 49 جاستاعى ەر ادام ۇستالدى، دەپ حابارلايدى BNews.kz ءتىلشىسى.

ءتارتىپ ساقشىلارىنىڭ ايتۋىنشا، ەر ادام كوپ قاباتتى ۇيلەردىڭ اۋلالارىندا ەگدە جاستاعى قاريالاردى ىزدەپ تاۋىپ، زەينەتكەرلەردى سوزگە تارتىپ، ولارعا ارزان باعامەن نان، ۇن جانە جۇمىرتقا ساتقان. كەيىن اۋىر سومكەنى پاتەرگە دەيىن جەتكىزبەك بولىپ، جاناشىر ازاماتتىڭ رولىنە ەنەدى.

ۇيگە جەتكەننەن كەيىن اقشا ايىرىپ بەرۋىن ءوتىنىپ، اقشانىڭ قاي جەردە جاسىرىلعانىن كورىپ الادى. سودان كەيىن ءتۇرلى سىلتاۋمەن جابىرلەنۋشىنىڭ نازارىن باسقا جاققا اۋدارىپ، توناپ كەتىپ وتىرعان.

«ۇستالعان ازاماتقا 30 ۇرلىق جاسادى دەگەن ايىپ تاعىلىپ وتىر. زەينەتكەرلەرگە كەلتىرگەن شىعىننىڭ جالپى سوماسى 2 ميلليون تەڭگەدەن اسقان. قازىر ءىس ماتەريالدارى سوت قاراۋىنا تاپسىرىلدى»، - دەپ مالىمدەدى پاۆلودار وبلىسى ءى ءى د باسپا ءسوز قىزمەتىنىڭ قىزمەتكەرى ساۋلە مۋسينوۆا.