ءولىم جازاسىنا كەسىلگەندەردىڭ كامەراسىندا 30 جىل وتىرعان ازامات جازىقسىز بولىپ شىقتى
ءبىراق كەيىن سوتتالعان ازاماتتىڭ كىسى ولتىرمەگەنى انىقتالدى، - دەپ حابارلايدى Tengrinews.kz ءتىلشىسى.
حينتون الاباماداعى مەيرامحانالاردىڭ ءبىرىن توناۋ كەزىندە ەكى ادامدى ءولتىردى دەپ ايىپتالىپ، تۇرمەگە 1985 -جىلى تۇسكەن بولاتىن. ونىڭ ادۆوكاتتارى سوتتالعان ازاماتتىڭ بۇل قىلمىسقا قاتىسى بار ەكەندىگىنە تەرگەۋدىڭ جەتكىلىكتى تۇردە دالەل كەلتىرمەگەنىن ايتۋمەن بولعان. قورىتىندىسىندا سۋديا لاۋرا پەترو حينتونعا قاتىستى بارلىق ايىپتاۋلاردى كەرى قايتاردى، سوتتالعان ازامات جۇما كۇنى بوستاندىققا شىعادى.
بيرمينگەم قالاسىنداعى مەيرامحاناعا قاراقشىلىق جاسالعان كەزدە ەكى قىزمەتكەر ولتىرىلگەن. ءتارتىپ ساقشىلارى كۋاگەرلەردى جانە قىلمىس ورنىندا ساۋساق ىزدەرىن تاپپاي، دالەلدەر بازاسىن حينتوننىڭ اناسىنان تاركىلەنگەن تاپانشاسىنا بايلانىستى قۇردى. پوليتسەيلەر قىلمىستىڭ ءدال وسى تاپانشامەن جاسالعانىن ايتتى.
جاڭادان جاسالعان سوت- مەديتسينالىق ساراپتامانىڭ قورىتىندىسى تاركىلەنگەن تاپانشامەن كىسى ولتىرىلمەگەنىن كورسەتتى. حينتوننىڭ ادۆوكاتى برايان ستيۆەنسوننىڭ ايتۋىنشا، ونىڭ كليەنتى بۇل ىسكە افروامەريكالىق بولعاندىقتان عانا تارتىلعان.
Equal Justice Initiative قۇقىق قورعاۋ ۇيىمىنىڭ مالىمەتىنشە، حينتون ءولىم جازاسىنا كەسىلگەندەردىڭ كامەراسىندا ەڭ ۇزاق ۋاقىت بويى وتىرعان ادام.
