16:44, 04 - جەلتوقسان 2014 | GMT +5
قازاقستاندىق 30 يمام ماسكەۋدە ءبىلىمىن جەتىلدىرەدى
استانا .قازاقپارات - بۇگىن باس ءمۇفتي ەرجان قاجى مالعاجى ۇلى الماتى قالاسىندا يمامداردى قابىلدادى. جۋىردا ەلىمىز بويىنشا 30 يمام «ماسكەۋ يسلام ينستيتۋتىندا» ەكى اپتالىق كۋرستا بىلىمدەرىن جەتىلدىرىپ قايتپاق. ق م د ب ءتوراعاسى ءدىن قىزمەتكەرلەرىنە ءسات- ساپار تىلەپ، دۇعا جاسادى.
«قازىر ءدىني باسقارما يمامداردىڭ ءبىلىمىن ارتتىرۋعا ۇلكەن ءمان بەرىپ وتىر. يمامداردى كۋرسقا جىبەرۋ تۋرالى ءبىزدىڭ ۇسىنىسىمىزدى رەسەيلىك ارىپتەستەرىمىز قابىل الدى. بۇل - ۇلكەن مۇمكىندىك. ءبىز مۇنىمەن شەكتەلمەي، تۇركيامەن، مىسىرمەن ەكى جاقتى كەلىسسوزدەرگە قول جەتكىزدىك. ءاربىر ۋاقىتتارىڭىزدى دۇرىس پايدالانىپ، ءبىلىم الۋعا دەن قويىڭىزدار. اللا تاعالا بارشامىزدىڭ بىلىمدەرىمىزدى ارتتىرعاي» ، - دەدى باس ءمۇفتي ەرجان قاجى مالعاجى ۇلى. ەكى اپتالىق ءبىلىم جەتىلدىرۋ كۋرسىندا يمامدار ۋاعىز- ناسيحات جۇرگىزۋ ءادىس- تاسىلدەرىن ۇيرەنىپ، ءپاتۋا شىعارۋ جولدارىن ءجىتى مەڭگەرەدى.
