قازاقستان جەمقورلىق دەڭگەيى تومەن الەمنىڭ 30 ەلىنىڭ قاتارىنا ەنۋدى جوسپارلاپ وتىر
بۇل تۋرالى بۇگىن قازاقستان ازاماتتىق اليانسى ۇيىمداستىرعان دوڭگەلەك ۇستەل بارىسىندا «نۇر وتان» پارتياسى ءتوراعاسى ءبىرىنشى ورىنباسارى باۋىرجان بايبەك حابارلادى.
«2025 - جىلعا قاراي ءبىز ءتورت بەلگى بويىنشا جەمقورلىق دەڭگەيىن تومەندەتكەن العاشقى 30 ەلدىڭ قاتارىنا ەنۋدى جوسپارلاپ وتىرمىز. بۇل جاھاندىق باسەكەگە قابىلەتتىلىك يندەكسىنىڭ ولشەمدەرى، زاڭسىز تولەمدەر مەن پارا الۋ، بۇكىلالەمدىك بانكتىڭ بيزنەستى جەڭىل جولمەن جۇرگىزۋ بويىنشا ينديكاتورى»، - دەدى ول.
ونىڭ سوزىنە قاراعاندا، ينديكاتورلاردى جاقسارتۋعا «نۇر وتان» پارتياسىنىڭ 2015-2020 - جىلدارعا ارنالعان جەمقورلىققا قارسى ارەكەت ەتۋ باعدارلاماسى باعىتتالعان.
«ءبىز جىل سايىن جۇيەلىك باياندامانى جاريالاعىمىز كەلەدى. ول پارتيا قابىلدايتىن شارالار مەن ولاردىڭ تيىمدىلىگى تۋرالى بايانداما بولماق. ءبىز كاسىبي الەۋمەتتىك قىزمەتتەرمەن بىرلەسىپ، حالىقتان ساۋالناما جۇرگىزەمىز»، - دەپ قوستى ول.
ەسكە سالا كەتەيىك، باعدارلاما جوباسىن پارتيا اعىمداعى جىلدىڭ شىلدە ايىندا كەڭ تالقىعا سالدى. قۇجات التى مىڭنان استام باستاپقى پارتيالىق ۇيىمداردىڭ وتىرىستارىندا، ايماقتىق ساياسي كەڭەستەردى تالقىلاندى. باعدارلاما جوباسى بويىنشا 900 گە جۋىق ۇسىنىس پەن پارتيا مۇشەلەرىنىڭ اتىنان، ساراپشىلار بىرلەستىگى مەن ينتەرنەت- پايدالانۋشىلاردان تولىقتىرۋلار ءتۇستى. سونىڭ ارقاسىندا قۇجاتتىڭ باستاپقى ءماتىنى 40 پايىزعا وزگەردى.
