ا ق ش قىرعىزدارعا 30 ميلليون دوللاردىڭ قوندىرعىلارىن مۇراعا قالدىردى

.
ال، امەريكالىق اسكەريلەر بولسا بىشكەكتەگى ماناس اۋەجايىن وسىدان بىرنەشە اپتا بۇرىن-اق تاستاپ كەتكەن.
«ماناس» اۋەجايىنداعى ا ق ش اۆيابازاسى 2001 - جىلدىڭ جەلتوقسان ايىندا اۋعانستانداعى «بۇزىلماس بوستاندىق» وپەراتسياسى اياسىندا كواليتسيا كۇشتەرىنە قولداۋ كورسەتۋ ماقساتىندا قۇرىلعان. كەيىن ول ءوز اتاۋىن «ماناس» ترانزيتتىك تاسىمالداۋ ورتالىعى دەپ وزگەرتتى. نەگىزگى اتقارعان قىزمەتى - اۋەدە ۇشاقتارعا جانارماي قۇيۋ جانە جۇكتەر مەن اسكەريلەردى جونەلتۋ.
2010 - جىلى قىرعىزستان پرەزيدەنتى المازبەك اتامبايەۆ ازاماتتىق اۋەجايداعى اسكەري بازا جابىلۋى ءتيىس دەپ مالىمدەمە جاساعان بولاتىن.
ال، اعىمداعى جىلدىڭ 3- ماۋسىمىندا اۋەجاي اۋماعىندا ا ق ش جالعا العان جەرىن قىرعىز بيلىگىنە رەسمي تۇردە قايتارىپ بەردى. اتالعان نىساندى پايدالانعان ۋاقىت ىشىندە ا ق ش اسكەري اۋە كۇشتەرىنىڭ جانارماي قۇيۋشىلارى 33,5 مىڭ اسكەري وپەراتسياعا قاتىسىپ، 135 ۇشاققا اۋەدە جانارماي قۇيعان. وسى ۋاقىت ارالىعىندا اسكەري بازادان 26 مەملەكەتتىڭ 5,3 ميلليون ساربازى اۋعانستانعا اتتاندى.
امەريكالىق اۆيابازا بىشكەك ماڭىنداعى 220 گەكتار جەردى الىپ جاتىر. اسكەريلەر ەلدى تاستاپ شىققاننان كەيىن قىرعىزدارعا شامامەن 30 ميلليون دوللاردىڭ قوندىرعىلارى مۇرا بولىپ قالدى. سونىمەن قاتار، امەريكالىقتار ايماقتىڭ ينفراقۇرىلىمىن دامىتۋعا دا ءوز سەپتىكتەرىن تيگىزگەن بولاتىن.
Baq.kz