ۋنيۆەرسياداعا ق ر ۇلتتىق قۇراماسىنا ۇمىتكەر 309 سپورتشى دايىندالۋدا
بۇل تۋرالى بۇگىن الماتى اكىمدىگىندە وتكەن ارنايى جيىن باراسىندا ق ر بياتلونشىلارى وداعىنىڭ ۆيتسە-پرەزيدەنتى، وليمپيادا ويىندارىنىڭ كۇمىس جۇلدەگەرى ەلەنا حرۋستالەۆا ءمالىم ەتتى.
«سوڭعى ستۋدەنتتىك ويىندار ناتيجەسى بويىنشا قازىرگى تاڭدا كوش باسىندا نورۆەگيا، جاپونيا، قىتاي جانە رەسەي قۇرامالارى كەلەدى. ءبىزدىڭ قۇراما كوماندا سوڭعى ۋنيۆەرسيادا ويىنىندا جالپى كوماندالىق ەسەپتە ءۇشىنشى ورىنعا يە بولدى. قازىر، 2017-جىلعى ۋنيۆەرسياداعا ق ر ۇلتتىق قۇراماسىنا ۇمىتكەر 309 سپورتشى دايىندالۋدا. ولاردىڭ ىشىندە - 111 سپورتشى الماتى قالاسىنىڭ اتىنان ونەر كورسەتەدى»، - دەدى ە. حرۋستالەۆا
ول سونىمەن قاتار، الماتىداعى قىسقى ۋنيۆەرسيادادان ەكى كۇن وتكەن سوڭ، جاپونيادا قىسقى ازيا ويىندارى باستالاتىندىعىن، سوندىقتان باپكەرلەر الدىندا سپورتشىلاردى ەكى شاراعا دا لايىقتى دايارلاۋ جانە بارىنشا كوپ وليمپيادالىق جولداما جەڭىپ الۋ بويىنشا كۇردەلى مىندەتتەر قويىلعاندىعىن جەتكىزدى.
«قازىر، ءبىزدىڭ جاستارىمىزدىڭ ۋنيۆەرسيادا بارىسىندا قالاي ونەر كورسەتەتىندىگىن بولجاۋ قيىن. ءبىراق، ارينە شاڭعىشىلاردان، كونكيشىلەردەن، بياتلونيستەردەن جانە مانەرلەپ سىرعاناۋ مەن فريستايل بويىنشا مەدالدار كۇتەمىز»، - دەدى ق ر بياتلونشىلارى وداعىنىڭ ۆيتسە-پرەزيدەنتى.
ايتا كەتەلىك، قىسقى ۋنيۆەرسيادا ويىندارى 2017-جىلى 29- قاڭتار مەن 8- اقپان ارالىعىندا وتكىزىلەدى. سەگىز نىساندا سپورتتىڭ 12 تۇرىنەن جارىستار بولادى.
اۆتور: جاپپاربەرگەن ايبوتا
