الماتى جانە استانانىڭ ۆاليۋتا ايىرباستاۋ پۋنكتتەرىندە دوللار باعامى 309-310 تەڭگەگە دەيىن ءوستى

استانا. قازاقپارات - الماتى جانە استانانىڭ ۆاليۋتا ايىرباستاۋ پۋنكتتەرى مەن بانك فيليالدارىندا كەشەگىمەن سالىستىرعاندا دوللار باعامى 9-10 تەڭگەگە ءوستى.

قازاقستان قالالارىنداعى ايىرباستاۋ پۋنكتتەرىندەگى ۆاليۋتا باعامىنا مونيتورينگ جۇرگىزەتىن kurs.kz سايتىنىڭ اقپاراتىنشا، الماتىنىڭ ۆاليۋتا ايىرباستاۋ پۋنكتتەرى دوللاردى 307-307,5 تەڭگەگە ساتىپ الىپ، 309 - 309,5 تەڭگەگە ساتىپ جاتىر.

استانانىڭ ۆاليۋتا ايىرباستاۋ پۋنكتتەرى دوللاردى 302-308 تەڭگەدەن ساتىپ الىپ، 308- 310 تەڭگەدەن ساتۋدا.

كازكوممەرس بانكتە دوللاردى 307 تەڭگەگە ساتىپ الىپ، 309 تەڭگەگە ساتىپ الۋدا.

ەۋرازيالىق بانكتە دوللاردى ساتىپ الۋ- ساتۋ قۇنى، سايكەسىنشە، 308 جانە 309,9 تەڭگەدەن.

حالىق بانكىندە دوللاردى 307,14 تەڭگەگە ساتىپ الىپ، 309,14 تەڭگەدەن ساتىپ جاتىر.