ناۋرىزدا تەڭگەدەگى دەپوزيت يەلەرىنە 307 ميلليارد تەڭگە وتەماقى تولەنەدى

استانا قازاقپارات - ناۋرىزدا تەڭگەمەن دەپوزيت ۇستاعان 2 ميلليون 623 مىڭ سالىمشىعا 307 ميلليارد تەڭگە وتەماقى تولەنەدى.

بۇل تۋرالى ۇلتتىق بانك ءتوراعاسى عالىمجان ءپىرماتوۆ ءمالىم ەتتى، دەپ حابارلايدى قازاقپارات ءتىلشىسى.

«دەپوزيتىن تەڭگەمەن ساقتاعانداردىڭ وتەماقى الۋعا بەرەتىن ءوتىنىشىن قابىلداۋ مەرزىمى ۇزارتىلعان بولاتىن. جالپى، وسى ۋاقىت ىشىندە 125 مىڭ سالىمشى ۇزارتىلعان مەرزىمدى پايدالاندى. سوڭعى دەرەك بويىنشا، الدىن الا ولشەم مىناداي: 2 ميلليون 623 مىڭ سالىمشىدان جالپى سوماسى 307 ميلليارد تەڭگە بولاتىن ءوتىنىم جينالدى. تولەنۋى ىقتيمال وتەماقىنىڭ جالپى سوماسى 4 ميلليارد تەڭگەمەن تولىقتى. قازىرگى تاڭدا جالپى سوما 307,5 ميلليارد تەڭگە دەپ باعالانىپ وتىر»، - دەدى ۇلتتىق بانك باسشىسى.

ايتا كەتەيىك، ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى %16,75 دەڭگەيىندە قالدىرۋ جونىندە شەشىم قابىلدادى.