ەلىمىزدە كوروناۆيرۋس جۇقتىرعان 306 ادام اۋىر جاعدايدا جاتىر
نۇر-سۇلتان. قازاقپارات - ەلىمىزدە كوروناۆيرۋس جۇقتىرعان 306 ادامنىڭ جاعدايى ناشار بولسا، ونىڭ ىشىندەگى 41 ناۋقاستىڭ احۋالى وتە اۋىر، دەپ حابارلايدى قازاقپارات ءتىلشىسى.
«قازىرگى ۋاقىتتا اۋىر جاعدايداعى ناۋقاستارىمىز جانساقتاۋ مەن انەستەزيولوگيا بولىمىندە ەمدەلىپ جاتىر. ولاردىڭ سانى - 306 ادام. اۋىر جاعدايدا 265 سىرقات، وتە اۋىر جاعدايداعى 41 ناۋقاس بار. وكپەنى جاساندى جەلدەتۋ اپپاراتىنا قوسىلعان 67 ناۋقاس (كوروناۆيرۋس جۇقتىرعان) ەم قابىلداۋدا. ينۆوزيۆتى ەمەس وكپەنى جاساندى جەلدەتۋ اپپاراتىندا 133 سىرقات جاتىر. وزىنشە دەمالاتىن وكسيگەنوتەراپيا الىپ جاتقان سىرقاتتاردىڭ سانى - 106. ءوز بەتىنشە دەمالاتىن ناۋقاستاردىڭ سانى - 9265 ناۋقاس»، - دەدى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ و ك ق- دا وتكەن باسپا ءسوز ءماسليحاتىندا.
كوميتەت ءتوراعاسى سونىمەن قاتار تىلشىلەردىڭ سۇراقتارىنا جاۋاپ بەرە وتىرىپ، وسى جارتى جىلدىقتا قازاقستاندا پنيەۆمونيامەن 98 مىڭ ادام سىرقاتتانعانىن ايتىپ ءوتتى.
«وتكەن جىلمەن سالىستىرعاندا ءوسىم 50 پايىزدان جوعارى»، - دەدى ول.
