عاشىعى ءۇشىن 305 كەلى ارتىق سالماعىنان ارىلدى - فوتو

استانا. قازاقپارات - ۇلى بريتانيانىڭ 52 جاستاعى تۇرعىنى، بۇرىنعى پوشتاشى پول مەيسون عاشىعىمەن قوسىلۋ ءۇشىن 305 كەلى ارتىق سالماعىنان ارىلدى، دەپ جازادى The Daily Express.

امەريكالىق ايەلمەن ول ينتەرنەت ارقىلى تانىسقان. مەيسون مەن 40 جاستاعى رەبەككا ماۋنتين فەيسبۋك الەۋمەتتىك جەلىسىندە تانىسقان. ەر ازامات العاشىندا ماحاببات تۋرالى مۇلدەم ويلاماپتى دا. ويتكەنى، رەبەككا ينتەرنەتتەگى دوسىنا كومەك كورسەتكىسى كەلىپ حابارلاسقان ەكەن.

وزدىگىمەن قوزعالا المايتىن بريتاندىققا ول كۇتۋشى ايەل تاۋىپ بەرمەك بولعان. الايدا، ەكەۋىنىڭ Skype ارقىلى بولعان العاشقى اڭگىمەسى 4,5 ساعاتقا سوزىلىپ، ەكەۋى ءبىر- بىرىنە سىر اقتارىپتى.

مۇنان كەيىن ولاردىڭ دوستىعى ۇلكەن سەزىمگە ۇلاستى. مەيسوننىڭ ايتۋىنشا، عاشىعىمەن تانىسقانعا دەيىن ونىڭ سالماعى 425 كەلى بولعان.  

كۇنىنە ول 20 مىڭ كيلوكالوريا تاماق جەگەن ەكەن. ال ماحاببات سەزىمى ونىڭ ومىرگە دەگەن كوزقاراسىن وزگەرتىپ، مەيسون دەرەۋ ديەتاعا وتىرعان.

قازىرگى تاڭدا بريتاندىق ازاماتتىڭ 307 كەلىگە ارىقتاۋىنا سەبەپكەر بولعان ايەل ا ق ش- تان ۇلى بريتانياعا كەلۋگە دايىندالىپ جاتىر. ەكەۋى الداعى ۋاقىتتا نەكەلەرىن قيماق نيەتتە.

  BAQ. KZ