قاڭتار وقيعاسىندا 3037 پوليتسيا مەن ۇلتتىق ۇلاننىڭ اسكەري قىزمەتكەرلەرى جاراقات الدى

بۇل تۋرالى ءماجىلىستىڭ جالپى وتىرىسىندا ق ر ىشكى ىستەر ءمينيسترى مارات احمەتجانوۆ ايتتى، دەپ حابارلايدى قازاقپارات ءتىلشىسى.

«5-قاڭتاردان باستاپ ايماقتاردا توتەنشە جاعداي رەجيمدەرى مەن كومەندانتتىق ساعاتتار ەنگىزىلدى. 6-قاڭتاردا ساعات 00.00-دەن باستاپ تەرروريزمگە قارسى وپەراتسيا رەجيمى جاريالاندى. بۇل - قىسقا مەرزىمدە ەلدەگى قۇقىقتىق ءتارتىپتى قالپىنا كەلتىرۋگە مۇمكىندىك بەردى. وكىنىشكە وراي، 19 قىزمەتكەر قازا تاپتى. 3037 پوليتسيا مەن ۇلتتىق ۇلاننىڭ اسكەري قىزمەتكەرلەرى جاراقات الدى. 28 ىنە وق ءتيىپ، 177 سىنىڭ سۇيەگى سىنعان. 111 ى پىشاقتالعان. كوپتەگەن قىزمەتكەرلەر ءالى دە ەم الۋدا»، - دەدى مينيستر.

ونىڭ اتاپ وتۋىنشە، پوليتسيا قاڭتار وقيعاسى بويىنشا 4623 قىلمىستىق ءىستى تەرگەدى. ولاردىڭ كوبىسى - ادام ءولتىرۋ، ۇرلىق، قارۋ-جاراقتىڭ زاڭسىز اينالىمى، بۇزاقىلىق، بوتەن مۇلىكتى قاساقانا ءبۇلدىرۋ قىلمىستارى.

«20 مىڭنان استام ازاماتتان جاۋاپ الىندى. 5 مىڭنان استام ساراپتاما تاعايىندالدى. ۇرلانعان مۇلىكتىڭ كوبى تاركىلەندى. قىلمىستىق ىستەر بويىنشا 983 ادام ۇستالدى. ونىڭ 502 سى ارنايى پروكۋرورلارعا بەرىلدى»، - دەدى مارات احمەتجانوۆ.