قازاقستانعا 302 مىڭ وزبەكستاندىق جۇمىسشى كەلدى

استانا. قازاقپارات - بىلتىر قازاقستانعا ت م د ەلدەرىنەن جۇمىس ىزدەپ كەلگەندەردىڭ باسىم بولىگى و ق و- دا قالعان. بۇل تۋرالى قازاقپاراتتىڭ رەسمي ساۋالىنا ق ر ءى ءى م مەملەكەتتىك ءتىل جانە اقپارات دەپارتامەنتىنەن حابارلادى.

«2016 -جىلى ت م د ەلدەرىنەن جۇمىس ىستەۋگە كەلگەن جەكە ازاماتتارعا  322685 رۇقسات راسىمدەلدى. ولاردىڭ باسىم كوپشىلىگى استانا قالاسىندا (42392 ادام)، وڭتۇستىك قازاقستان وبلىسىندا (61374) جانە الماتى وبلىسىندا (48382) تىركەلدى»، - دەپ اتاپ وتىلگەن ۆەدومستۆو مالىمەتىندە.

وتكەن جىلدىڭ دەرەكتەرىنە سۇيەنسەك، ەلىمىزگە كەلۋشى ەڭبەك ميگرانتتارىنىڭ باسىم بولىگى وزبەكستان مەن تاجىكستان ازاماتتارى بولدى.

«وسى ورايدا كورشىلەس وزبەكستاننان  302422 ادام، ال تاجىكستاننان  12041 ادام راسىمدەلدى. ەڭبەك قىزمەتىن جۇزەگە اسىرۋ شارتىن بۇزعانى ءۇشىن  9581 شەتەل ازاماتى جاۋاپكەرشىلىككە تارتىلدى»، - دەيدى مينيسترلىك وكىلدەرى.

 بەلگىلى بولعانداي، اتالعان ەكى ەلدەن كەلگەن ەڭبەك ميگرانتتارىن زاڭدى تۇلعالار ەمەس، كوبىنەسە ەلىمىزدىڭ جەكە ازاماتتار تارتادى. سونىمەن قاتار، ولاردىڭ باسىم بولىگى قۇرىلىس سالاسىنا جۇمىلدىرىلىپ وتىر.

اۆتور: رۋسلان عابباسوۆ