22:30, 25 - شىلدە 2022 | GMT +5
الاياق ايەل الماتىلىقتاردى 300 ميلليون تەڭگەگە الدادى
الماتى. قازاقپارات - تەندەردى جەڭىپ الۋعا كومەكتەسەتىنىن ايتقان الاياق ايەل الماتىلىقتاردى 300 ميلليون تەڭگەگە الداپ كەتكەن، دەپ حابارلايدى قازاقپارات ءتىلشىسى.
الماتى قالالىق پوليسيا دەپارتامەنتىنىڭ مالىمەتىنشە، اۋەزوۆ اۋدانىنىڭ ءتارتىپ ساقشىلارى الاياقتىق جاساعانى ءۇشىن 37 جاستاعى س. ەسىمدى ايەلدى ۇستادى.
«قىلمىستىق ءىس ماتەريالدارىنا سايكەس، كۇدىكتى «جاقسى تانىستارىنا» سىلتەمە جاساي وتىرىپ، ازاماتتارعا تەندەرلەرگە قاتىسۋعا جانە جەڭىسكە جەتۋگە ۋادە بەرگەن. قازىرگى ۋاقىتتا س. ەسىمدى ايەلدىڭ قاتىسى بار 5 قىلمىستىق ءىس تەرگەلىپ جاتىر. جابىرلەنۋشىلەرگە كەلتىرىلگەن ماتەريالدىق شىعىن كولەمى 300 ميلليون تەڭگەگە جەتتى»، - دەدى اۋەزوۆ اۋداندىق پ ب باستىعى ۇلان ءابىلقايىر.
پوليتسيا وكىلىنىڭ ايتۋىنشا، كۇدىكتى قازىر قاماۋدا وتىر. سوتقا دەيىنگى تەرگەۋ جالعاسىپ جاتىر. كۇدىكتىنىڭ باسقا دا ەپيزودتارعا قاتىسى بار- جوعى انىقتالۋدا.
