وڭتۇستىك افريكاداعى سۋ تاسقىنى 300 دەي ادامنىڭ ءومىرىن قيدى

يوحاننەسبۋرگ. قازاقپارات - وڭتۇستىك افريكا رەسپۋبليكاسىنىڭ كۆازۋلۋ- ناتال پروۆينتسياسىنداعى سۋ تاسقىنى كەم دەگەندە 300 ادامنىڭ ءومىرىن قيدى، دەپ حابارلايدى قازاقپارات Africa News كە سىلتەمە جاساپ.
None
None

ەكى كۇن بۇرىن باستالعان نوسەر جاڭبىر سوڭعى 60 جىلدا بولماعان ءىرى سۋ تاسقىنىنا اكەلدى. كەيبىر اۋدانداردا بىرنەشە ايلىق جاۋىن مولشەرى بىردەن جاۋىپ، سۋ كوشكىنى ءجۇردى.

«13-ساۋىردە كەشكىسىن بىزگە كۆازۋلۋ- ناتال پروۆينتسياسىنداعى سۋ تاسقىنىنان قازا تاپقانداردىڭ سانى 306 ادامعا دەيىن جەتكەنى حابارلاندى»، - دەيدى تابيعي اپاتتار سالدارىن جويۋ جونىندەگى باسقارمانىڭ باسپا ءسوز حاتشىسى نونالا ندلوۆۋ.

ەل پرەزيدەنتى سيريل رامافوسا دۋربان قالاسىنىڭ ماڭىنداعى سۋ تاسقىنى مەن كوشكىننەن زارداپ شەككەن ەلدى مەكەن تۇرعىندارىمەن كەزدەسىپ، كومەكتەسۋگە ۋادە بەردى. ول بۇل اپات كليمات وزگەرۋىنىڭ ءبىر كورىنىسى ەكەنىنە توقتالدى. وقيعا ورنىندا ىزدەستىرۋ- قۇتقارۋ جۇمىستارى جالعاسىپ جاتىر. سوعان قاراعاندا، زارداپ شەككەندەردىڭ سانى ارتۋى مۇمكىن. جىل باسىندا افريكا قۇرلىعىنىڭ وڭتۇستىك- شىعىس جاعالاۋىندا «انا» تروپيكالىق داۋىلىنان سۋ تاسقىنى بولىپ، 46 ادام مەرت بولعان ەدى.


سوڭعى جاڭالىقتار