بيىل استانادا 300 دەن استام وتباسى اپاتتى جاعدايداعى ۇيدەن كوشىرىلەدى
«اپتا سايىن ازاماتتاردى قابىلداپ تۇرامىز. تاعى 12 وتباسىن قابىلدادىم، ال جىل باسىنان بەرى 60 وتباسى (2021 -جىلى 1,5 مىڭ تۇرعىن) . كەزدەسۋ بارىسىندا الەۋمەتتىك باعىتتارعا قاتىستى نەگىزگى پروبلەمالار دا، سول سياقتى شەشىمىن تالاپ ەتەتىن ناقتى ماسەلەلەر دە كوتەرىلەدى:جۇمىسقا ورنالاستىرۋ، جوبالاردى ىسكە اسىرۋ بويىنشا كومەك كورسەتۋ جانە ت. ب.
بۇگىن ازاماتتاردى قابىلداۋ بارىسىندا اپاتتى جاعدايدا تۇرعان ۇيلەردى بۇزۋ ماسەلەسى كوتەرىلدى. وسىعان قاتىستى قىسقاشا توقتالىپ وتەيىن. ماسەلەن، بۇگىنگە دەيىن ءبىز ى. دۇكەن ۇلى 21، ۋگولنايا 12a (قازىر ءال- فارابي 27) جانە باسقا مەكەنجايلاردا ورنالاسقان اپاتتى ۇيلەرگە بارىپ، جاعدايدى كوردىك. بۇل ۇيلەردىڭ توزىعى جەتكەن، سۋمەن، ەلەكترمەن جابدىقتاۋدا پروبلەمالارى بار، شاتىرىنان سۋ اعىپ تۇر» -دەپ جازدى التاي كولگىنوۆ Instagram پاراقشاسىندا.
بيىل اپاتتى جاعدايدا تۇرعان ۇيلەردەن 300 دەن استام وتباسىن كوشىرۋ جوسپارلانعان. سوڭعى ءۇش جىلدا توزىعى جەتكەن ۇيلەردەن 700 گە جۋىق وتباسى كوشتى.
«تۇرعىن ءۇي جاعدايىن جاقسارتۋ ءۇشىن ت ك لەردى (تۇرعىن ءۇي كەشەنى) جوندەۋ، ليفتىلەردى اۋىستىرۋ، جەڭىلدىكپەن بەرىلەتىن الەۋمەتتىك تۇرعىن ءۇي سالۋ، قۇرىلىسى ۇزاققا سوزىلعان نىسانداردى اياقتاۋ بويىنشا جۇمىس ءجۇرىپ جاتىر»،-دەيدى ەلوردا اكىمى.