الماتىدا مەكتەپ وقۋشىلارىنىڭ سانى 300 مىڭنان استى
بۇگىندە الماتىدا 289 مەكتەپ جۇمىس ىستەيدى. سونىڭ ىشىندە 207 مەملەكەتتىك جانە 82 جەكەمەنشىك. ءبىلىم الۋشىلار كونتينگەنتى وتكەن جىلمەن سالىستىرعاندا 12 مىڭعا ارتىپ، 303 مىڭعا جەتتى. سونىمەن قاتار ءبىر جىلدىڭ ىشىندە جەكەمەنشىك مەكتەپتەر جەلىسى 11 مىڭعا ارتتى. 12600 ورىندى 8 مەملەكەتتىك مەكتەپ جانە جۇمىس ىستەپ تۇرعان مەكتەپتەرگە 8263 ورىندى 17 جاڭا كورپۋس قۇرىلىسى جۇرگىزىلىپ جاتىر.
جىل سوڭىنا دەيىن 16 مىڭ ورىندى 31 ءبىلىم نىسانى اشىلادى. 166 مەكتەپتە ەرەكشە ءبىلىم بەرىلۋىنە قاجەتتىلىگى بار بالالار ءۇشىن جاعداي جاسالعان (%80)، 2020 -جىلى 157 مەكتەپ، 2019 -جىلى 135 مەكتەپ بولدى. مەكتەپتەردە پاندەميانى ەسكەرە وتىرىپ، وقۋ پروتسەسىنىڭ قاۋىپسىزدىگىن قامتاماسىز ەتۋ بويىنشا شارالار قابىلداندى.
وقۋ ورىندارىندا 21 مىڭنان استام ءمۇعالىم، 18 مىڭنان استام مەملەكەتتىك مەكتەپ قىزمەتكەرلەرى جۇمىس ىستەيدى. مەملەكەتتىك ءبىلىم ۇيىمدارىنىڭ بارلىق قىزمەتكەرلەرى %100 ەكپە الدى. سونىمەن قاتار، بارلىق مەكتەپتەر Ashyq جوباسىنىڭ قاتىسۋشىلارى بولىپ تابىلادى (QR- مەن كىرۋ باقىلاۋ جۇيەسى ورناتىلعان)، قاجەتتى دەزينفەكتسيالىق جانە انتيسەپتيكالىق قۇرالدارمەن قامتاماسىز ەتىلگەن. دەنە قىزۋى، كۆارتستاۋ مەن جەلدەتۋ رەجيمىن ولشەۋ بويىنشا سانيتارلىق- ەپيدەميولوگيالىق تالاپتار ساقتالادى.
سونىمەن قاتار، بارلىق مەكتەپتەردە جۇقتىرۋ ءقاۋپىنىڭ الدىن الۋ بويىنشا اقپاراتتىق جۇمىس جۇرگىزىلەدى جانە وقۋشىلارعا ساقتىق شارالارىن ءتۇسىندىرۋ بويىنشا سىنىپ ساعاتتارى وتكىزىلەدى. كەڭەستە 8 ارنايى مەكەمە- تۇزەتۋ ينتەرناتتارىنىڭ جۇمىسى قارالدى. ولاردىڭ نەگىزگى ماقساتى - بالانىڭ الەۋمەتتىك بەيىمدەلۋىنە كومەكتەسۋ جانە ونى كەيىننەن قوعامعا بىرىكتىرۋ. كوررەكتسيالىق قولداۋ دەفەكتولوگتارمەن، لوگوپەدتەرمەن، سۋردوپەداگوگتارمەن، تيفلوپەداگوگتارمەن، پسيحولوگتارمەن جانە الەۋمەتتىك پەداگوگتارمەن كورسەتىلەدى.
بارلىق ۇيىمدار ارنايى وقۋ باعدارلامالارىمەن جانە وقۋلىقتارمەن تولىق كولەمدە قامتاماسىز ەتىلگەن، ينتەراكتيۆتى تاقتالارمەن، شەبەرحانالارمەن، سەنسورلىق جانە ويىن كابينەتتەرىمەن جابدىقتالعان. ينتەرناتتاردىڭ ماتەريالدىق- تەحنيكالىق بازاسى نىعايتىلدى: اكىمدىك 1129 نوۋتبۋك جانە 331 پلانشەت ساتىپ الىپ، ينتەرناتتارعا بەردى. ءار بالا ءۇشىن ونىڭ پسيحوفيزيولوگيالىق ەرەكشەلىكتەرىن ەسكەرە وتىرىپ، دامۋ باعدارلاماسى جاسالدى. وتىرىستا سونداي- اق قيىن ومىرلىك جاعدايعا تاپ بولعان بالالاردىڭ قۇقىعىن قورعاۋ بويىنشا جۇرگىزىلەتىن جۇمىستار قارالدى. جەتىم بالالار مەن اتا-اناسىنىڭ قامقورلىعىنسىز قالعان بالالاردى تاربيەلەۋ جانە وقىتۋ ءۇشىن «جانۇيا» مامانداندىرىلعان كەشەنى، «جاستار ءۇيى» الەۋمەتتىك مەكەمەلەرىنىڭ تۇلەكتەرىن بەيىمدەۋ جانە قولداۋ ورتالىعى، «ومىرلىك قيىن جاعدايدا جۇرگەن بالالاردى قولداۋ ورتالىعى» م م، سونداي-اق دەنساۋلىق ساقتاۋ ۇيىمدارى (بالالار ءۇيى) جۇمىس ىستەيدى.
الماتىدا 29 جاسقا تولماعان، كامەلەتكە تولعانعا دەيىن اتا-اناسىنان ايىرىلعان جەتىم بالالار مەن اتا- انا قامقورلىعىنسىز قالعان بالالارعا 17 پاتەر بەرىلدى. جەتىم بالالار مەن اتا- اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ تۇلەكتەرى اراسىندا 2 ج و و- عا وقۋعا قۇجات تاپسىرىپ، 32 سى كوللەدجگە ءتۇستى. كەڭەس بارىسىندا ءبىلىم باسقارماسىنىڭ باسشىسى ءلاززات جىلقىبايەۆا كوپبالالى انالار قوزعالىسىنىڭ بەلسەندىسى يرينا كيم ءسوز سويلەپ، ءبىرقاتار مەكتەپ پەن ينتەرناتتاردىڭ ديرەكتورلاردىڭ بايانداماسى تىڭدالدى.
سونداي-اق، قالالىق قوعامدىق دەنساۋلىق باسقارماسىنىڭ جانە اۋماقتىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىلارى، مەگاپوليستىڭ باس مەملەكەتتىك سانيتار دارىگەرى جانداربەك بەكشين ءسوز سويلەدى.
كۇردەلى ەپيدەميولوگيالىق احۋال اياسىندا مەكتەپتەردە پروفيلاكتيكالىق مەديتسينالىق تەكسەرۋ جۇرگىزۋ، سانيتارلىق نورمالاردى قاتاڭ ساقتاۋ، سونداي-اق تۇماۋعا قارسى ۆاكتسينالاۋ جانە COVID-19-عا قارسى ەرىكتى ۆاكتسينالاۋ ماسەلەلەرىن ءتۇسىندىرۋ ماسەلەلەرى كوتەرىلدى. قالا اكىمىنىڭ ورىنباسارى ەرجان باباقۇماروۆ جۇمىستى كۇشەيتۋدى قاجەت ەتەتىن باعىتتاردى بەلگىلەدى.
بۇل - وقۋ پروتسەسىن ۇيىمداستىرۋ، مەكتەپتەردە ساپالى تاماقتانۋ جانە جان باسىنا قارجىلاندىرۋ، پەداگوگتاردى ولاردىڭ كاسىبي مىندەتتەرىمەن، پەداگوگتەردىڭ فۋنكسيالارىنا ءتان ەمەس جۇمىس تۇرلەرىنە تارتۋعا جول بەرمەۋ، مەكتەپتەر مەن بالالاردىڭ الەۋمەتتىك مەكەمەلەرىندە سانەپيدەميولوگيالىق رەجيمدە قاۋىپسىزدىكتى قامتاماسىز ەتۋ، ينكليۋزيۆتى وقىتۋدى ۇيىمداستىرۋ جانە جۇمىسىن رەتتەستىرۋ.
اۆتور: الما مۇقانوۆا
